ಶಿವಮೊಗ್ಗದಲ್ಲಿ ಪತ್ತೆಯಾಯ್ತು ಅಪರೂಪದ ಬಿಳಿ ನಾಗರಹಾವು

ಶಿವಮೊಗ್ಗ: ಅಪರೂಪವಾಗಿ ಕಾಣಿಸಿಕೊಳ್ಳುವ ಬಿಳಿ ನಾಗರಹಾವು ಶಿವಮೊಗ್ಗ ಹೊರವಲಯದ ರಾಮಿನಕೊಪ್ಪದಲ್ಲಿ ಪತ್ತೆಯಾಗಿದೆ.

ರಾಮಿನಕೊಪ್ಪದ ಪ್ರೀತಮ್ ಗೌಡ ಅವರ ತೋಟದ ಮನೆ ಬಳಿ ಆಲ್ಬಿನೊ ಕೋಬ್ರಾ (ಬಿಳಿ ನಾಗರ) ಕಾಣಿಸಿಕೊಂಡಿದೆ. ಮೂರು ನಾಲ್ಕು ದಿನದಿಂದ ಬಿಳಿ ನಾಗರಹಾವು ಕಾಣಿಸಿಕೊಂಡಿದ್ದರಿಂದ ಭಯಗೊಂಡು ಸ್ನೇಕ್ ಕಿರಣ್ ಗೆ ಕರೆ ಮಾಡಿದ್ದ ಮಾಹಿತಿ ನೀಡಿದ್ದರು.

ಇದನ್ನೂ ಓದಿ:ಮಾಲ್ ನಲ್ಲಿ ನಮಾಜ್ ಗೆ ಪ್ರತಿಯಾಗಿ ಸುಂದರಕಾಂಡ : ಲಕ್ನೋದಲ್ಲಿ ಮೂವರ ಬಂಧನ

ಸ್ಥಳಕ್ಕೆ ಆಗಮಿಸಿದ ಸ್ನೇಕ್ ಕಿರಣ್ ಬಿಳಿ ನಾಗರ ಹಾವನ್ನು ಹಿಡಿದು ಕಾಡಿಗೆ ಬಿಟ್ಟಿದ್ದಾರೆ.

ಅಲ್ಬಿನೋ ಕೋಬ್ರಾಗಳು ವಿಶ್ವದ 10 ಅಪರೂಪದ ಅಲ್ಬಿನೋ ಪ್ರಾಣಿಗಳಲ್ಲಿ ಸೇರಿವೆ. ಈ ಅಲ್ಬಿನೋ ಕೋಬ್ರಾ ಕಾಣಿಸಿಕೊಳ್ಳುವುದೇ ಅಪರೂಪ. ಅತಿ ವಿರಳವಾಗಿರುವ ಆಲ್ಬಿನೋ ಕೋಬ್ರಾ ಇದೀಗ ಶಿವಮೊಗ್ಗ ಬಳಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದೆ.