ಹೆಂಡ್ತಿಗೆ ಸ್ವಂತ ಪ್ಲ್ಯಾಟ್ ; ಗಂಡನಿಗೆ ಬಾಡಿಗೆ ಮನೆ – ಇದು ದೀಪಿಕಾ, ರಣವೀರ್ ಕಥೆ!

ಹೊಸದಿಲ್ಲಿ: ಬಾಲಿವುಡ್‌ ನಟ ರಣವೀರ್‌ ಸಿಂಗ್‌, ಮುಂಬೈನ ಪ್ರಭಾದೇವಿ ಪ್ರಾಂತ್ಯದಲ್ಲಿ ತಾವು ವಾಸವಾಗಿರುವ ಬ್ಯೂಮೊಂಡ್‌ ಅಪಾರ್ಟ್‌ಮೆಂಟ್‌ ನ ಫ್ಲಾಟ್‌ಗೆ ಕೊಡುತ್ತಿರುವ ಬಾಡಿಗೆ ಮೊತ್ತವೆಷ್ಟು ಗೊತ್ತೆ? ಬರೋಬ್ಬರಿ 7.97 ಲಕ್ಷ ರೂ.!

2018ರಲ್ಲಿ ತಮ್ಮ ಮದುವೆಯಾದ ನಂತರ ಮೂರು ವರ್ಷಗಳ ಒಪ್ಪಂದದಡಿ ಈ ಫ್ಲಾಟ್‌ಗೆ ಬಾಡಿಗೆಗೆ ಬಂದಿದ್ದ ಅವರು ಆರಂಭದಲ್ಲಿ 7.25 ಲಕ್ಷ ರೂ. ಬಾಡಿಗೆ ನೀಡಿದ್ದು, ಇತ್ತೀಚೆಗೆ 7.97 ಲಕ್ಷ ರೂ. ಬಾಡಿಗೆ ನೀಡುತ್ತಿದ್ದಾರೆ ಎಂದು ಹೇಳಲಾಗಿದೆ. ವಿಶೇಷವೇನೆಂದರೆ, ಅದೇ ಅಪಾರ್ಟ್‌ಮೆಂಟ್‌ನಲ್ಲಿ ರಣವೀರ್‌ ಪತ್ನಿ ದೀಪಿಕಾ ಪಡುಕೋಣೆ ಐಶಾರಾಮಿ ಫ್ಲಾಟ್‌ ಹೊಂದಿದ್ದಾರೆ. ಅದನ್ನು ಅವರು 2010ರಲ್ಲಿ 16 ಕೋಟಿ ರೂ.ಗೆ ಖರೀದಿಸಿದ್ದರು.