Advertisement
ಟಾಸ್‌ ಗೆದ್ದು ಬ್ಯಾಟಿಂಗ್‌ ಮಾಡಿದ ಉತ್ತರ ಪ್ರದೇಶ ಬ್ಯಾಟಿಂಗ್‌ ವೈಫ‌ಲ್ಯ ಅನುಭವಿಸಿತು. ಋತುರಾಜ್‌ ಸಿಂಗ್‌ 12, ಸಮೀರ್‌ ರಿಜ್ವಿ 25, ಕೃತಾಗ್ಯ ಸಿಂಗ್‌ ಮತ್ತು ಸೌರಭ್‌ ಕುಮಾರ್‌ ತಲಾ 13 ರನ್‌ ಗಳಿಸಿದ್ದು ಬಿಟ್ಟರೆ ಉಳಿದೆಲ್ಲರೂ ಒಂಟಿ ರನ್ನಿಗೆ ವಿಕೆಟ್‌ ಒಪ್ಪಿಸಿದರು. ಪರಿಣಾಮವಾಗಿ ಉತ್ತರ ಪ್ರದೇಶ 40.3 ಓವರ್‌ಗಳಲ್ಲಿ 89 ರನ್ನಿಗೆ ಆಲೌಟ್‌ ಆಯಿತು. ಕರ್ನಾಟಕದ ವಿ.ಕೌಶಿಕ್‌ 20 ರನ್ನಿಗೆ 5 ವಿಕೆಟ್‌ ಕಿತ್ತು ಉತ್ತರ ಪ್ರದೇಶದ ಕುಸಿತಕ್ಕೆ ಕಾರಣರಾದರು. ವಿದ್ಯಾಧರ್‌ ಪಾಟೀಲ್‌ 22ಕ್ಕೆ 3 ವಿಕೆಟ್‌ ಉರುಳಿಸಿದರು.
Related Articles
ಕೇರಳ ತಂಡದ ನಾಯಕ ಸಚಿನ್‌ ಬೇಬಿ, ಕೇರಳ ಪರ ರಣಜಿಯಲ್ಲಿ ಗರಿಷ್ಠ ರನ್‌ ಬಾರಿಸಿದ ಬ್ಯಾಟರ್‌ ಆಗಿ ದಾಖಲೆ ನಿರ್ಮಿಸಿದ್ದಾರೆ. ಗ್ರೂಪ್‌ “ಸಿ’ ಪಂದ್ಯದಲ್ಲಿ ಹರಿಯಾಣ ವಿರುದ್ಧ 24 ರನ್‌ ಬಾರಿಸಿ, ಒಟ್ಟಾರೆ 5,406 ರನ್ನುಗಳೊಂದಿಗೆ ಸಚಿನ್‌ ಈ ಸಾಧನೆ ಮೆರೆದರು. ಇದಕ್ಕೂ ಮುನ್ನ 5,396 ರನ್‌ ಬಾರಿಸಿದ್ದ ರೋಹನ್‌ ಪ್ರೇಮ್‌ ಹೆಸರಿನಲ್ಲಿ ಈ ದಾಖಲೆಯಿತ್ತು. ವಿಶೇಷವೆಂದರೆ ಲಿಸ್ಟ್‌ “ಎ’ (2826), ಟಿ20 (1781) ಸೇರಿ ಮೂರೂ ಮಾದರಿಗಳಲ್ಲೂ ಕೇರಳ ಪರ ಗರಿಷ್ಠ ರನ್‌ ಸರದಾರರಾಗಿ ಸಚಿನ್‌ ಗುರುತಿಸಿಕೊಂಡಿದ್ದಾರೆ.
Advertisement