Advertisement
ಮುಂಬಯಿ ಕೂಡ ಮೊದಲ ಎಸೆತದಲ್ಲೇ ತಿರುಗೇಟು ನೀಡಲಿತ್ತು. ಶಾದೂìಲ್‌ ಠಾಕೂರ್‌ ಎಸೆತ ಸಮಿತ್‌ ಗೋಹೆಲ್‌ ಬ್ಯಾಟನ್ನು ಸವರಿ ಮೊದಲ ಸ್ಲಿಪ್‌ಗೆ ಚಿಮ್ಮಿ ತಾದರೂ ಕ್ಯಾಚ್‌ ಪಡೆಯುವಲ್ಲಿ ಪೃಥ್ವಿ ಶಾ ವಿಫ‌ಲರಾದರು. ಇದು ಮುಂಬಯಿಗೆ ದುಬಾರಿಯಾಗಿ ಪರಿಣಮಿಸುವ ಸಾಧ್ಯತೆ ಇದೆ. ಗೋಹೆಲ್‌ ಪ್ರಸಕ್ತ ರಣಜಿ ಋತುವಿನ ತ್ರಿಶತಕ ವೀರರಲ್ಲಿ ಒಬ್ಬರು ಎಂಬುದನ್ನು ಮರೆಯುವಂತಿಲ್ಲ!
Related Articles
ಕೇವಲ 2ನೇ ರಣಜಿ ಪಂದ್ಯವಾಡುತ್ತಿರುವ ಆರಂಭಕಾರ ಪೃಥ್ವಿ ಶಾ ಮುಂಬಯಿ ಸರದಿಯ ಟಾಪ್‌ ಸ್ಕೋರರ್‌. 35ನೇ ಓವರ್‌ ತನಕ ಕ್ರೀಸ್‌ ಆಕ್ರಮಿಸಿಕೊಂಡ ಶಾ 93 ಎಸೆತ ಎದುರಿಸಿ 71 ರನ್‌ ಬಾರಿಸಿದರು. ಇದರಲ್ಲಿ 11 ಬೌಂಡರಿ ಒಳ ಗೊಂಡಿತ್ತು. ತಮಿಳುನಾಡು ವಿರುದ್ಧದ ಸೆಮಿಫೈನಲ್‌ ಪಂದ್ಯದಲ್ಲಿ ಪಾದಾರ್ಪಣೆ ಮಾಡಿದ್ದ ಶಾ, ಚೊಚ್ಚಲ ಪಂದ್ಯದಲ್ಲೇ ಶತಕ ಬಾರಿಸಿ ಮಿಂಚಿದ್ದರು. ಅದೇ ಫಾರ್ಮನ್ನು ಇಲ್ಲಿಯೂ ಮುಂದುವರಿಸಿದರು.
Advertisement
ಆದರೆ ಪೃಥ್ವಿ ಶಾ ಅವರಿಗೆ ಜತೆಗಾರರಿಂದ ಸೂಕ್ತ ಬೆಂಬಲ ಲಭಿಸಲಿಲ್ಲ. ಮತ್ತೂಬ್ಬ ಆರಂಭಕಾರ ಅಖೀಲ್‌ ಹೆರ್ವಾಡ್ಕರ್‌ (4), ಶ್ರೇಯಸ್‌ ಅಯ್ಯರ್‌ (14) ಬೇಗನೆ ನಿರ್ಗಮಿಸಿದರು. ನಾಯಕ ಆದಿತ್ಯ ತಾರೆ ಗಳಿಕೆ ಕೇವಲ 4 ರನ್‌.
ಮುಂಬಯಿ ಸರದಿಯಲ್ಲಿ ಅರ್ಧ ಶತಕ ಬಾರಿಸಿದ ಮತ್ತೂಬ್ಬ ಆಟಗಾರ ಸೂರ್ಯಕುಮಾರ್‌ ಯಾದವ್‌. ಅವರು 133 ಎಸೆತ ನಿಭಾಯಿಸಿ 57 ರನ್‌ ಹೊಡೆದರು (7 ಬೌಂಡರಿ, 1 ಸಿಕ್ಸರ್‌). ಈ ಸಾಧನೆಯ ವೇಳೆ ಯಾದವ್‌ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ 4 ಸಾವಿರ ರನ್‌ ಪೂರ್ತಿಗೊಳಿಸಿದರು.
ಕೊನೆಯವರಾಗಿ ಔಟಾದ ಅಭಿಷೇಕ್‌ ನಾಯರ್‌ (35), ಸಿದ್ದೇಶ್‌ ಲಾಡ್‌ (23) ತಂಡದ ಮೊತ್ತಕ್ಕೆ ಅಲ್ಪ ಕಾಣಿಕೆ ಸಲ್ಲಿಸಿದರು.
ಸಂಕ್ಷಿಪ್ತ ಸ್ಕೋರ್‌: ಮುಂಬಯಿ-228 (ಪೃಥ್ವಿ ಶಾ 71, ಸೂರ್ಯಕುಮಾರ್‌ ಯಾದವ್‌ 57, ಅಭಿಷೇಕ್‌ ನಾಯರ್‌ 35, ಸಿದ್ದೇಶ್‌ ಲಾಡ್‌ 23, ರುಜುಲ್‌ ಭಟ್‌ 5ಕ್ಕೆ 2, ಚಿಂತನ್‌ ಗಜ 46ಕ್ಕೆ 2, ಆರ್‌ಪಿ ಸಿಂಗ್‌ 48ಕ್ಕೆ 2). ಗುಜರಾತ್‌-ವಿಕೆಟ್‌ ನಷ್ಟವಿಲ್ಲದೆ 2.