ರಾಣಿಗೆ ಮರಳಿ ನಾಯಕತ್ವ

ಹೊಸದಿಲ್ಲಿ: ಸ್ಟ್ರೈಕರ್‌ ರಾಣಿ ರಾಮ್‌ಪಾಲ್ ಅವರನ್ನು ಮರಳಿ ಭಾರತೀಯ ವನಿತಾ ಹಾಕಿ ತಂಡದ ನಾಯಕಿಯನ್ನಾಗಿ ನೇಮಿಸಲಾಗಿದೆ. ಕೊರಿಯಾ ವಿರುದ್ಧ ಅವರದೇ ಅಂಗಳದಲ್ಲಿ ನಡೆಯಲಿರುವ 3 ಪಂದ್ಯ ಗಳ ಸರಣಿಗೆ ‘ಹಾಕಿ ಇಂಡಿಯಾ’ ಶುಕ್ರವಾರ ತಂಡವನ್ನು ಪ್ರಕಟಿಸಿತು.

ಗೋಲ್ಕೀಪರ್‌ ಸವಿತಾ ಉಪನಾ ಯಕಿಯಾಗಿರುತ್ತಾರೆ. ಗಾಯಾಳಾಗಿದ್ದ ಸವಿತಾ ಇತ್ತೀಚಿನ ಮಲೇಶ್ಯ ಪ್ರವಾಸ ವನ್ನು ತಪ್ಪಿಸಿಕೊಂಡಿದ್ದರು. ರಂಜನಿ ಇಟಿಮರ್ಪು ಮತ್ತೋರ್ವ ಗೋಲ್ಕೀಪರ್‌.

ಇದು ಎಫ್ಐಎಚ್ ವನಿತಾ ಸೀರಿಸ್‌ ಫೈನಲ್ಸ್ಗಾಗಿ ನಡೆಯಲಿರುವ ಅಭ್ಯಾಸಸರಣಿಯಾಗಿದೆ. ಈ ಪ್ರತಿಷ್ಠಿತ ಪಂದ್ಯಾವಳಿ ಜೂ. 15ರಿಂದ 23ರ ತನಕ ಜಪಾನಿನ ಹಿರೋಶಿಮಾದಲ್ಲಿ ನಡೆಯಲಿದೆ.

ಭಾರತ ತಂಡ
ಗೋಲ್ ಕೀಪರ್: ಸವಿತಾ, ರಂಜನಿ ಇಟಿಮರ್ಪು. ಡಿಫೆಂಡರ್: ಸಲೀಮಾ ಟೇಟೆ, ಸುನೀತಾ ಲಾಕ್ರಾ, ದೀಪ್‌ ಗ್ರೇಸ್‌ ಎಕ್ಕಾ, ಕರಿಷ್ಮಾ ಯಾದವ್‌, ಗುರ್ಜೀತ್‌ ಕೌರ್‌, ಸುಶೀಲಾ ಚಾನು. ಮಿಡ್‌ ಫೀಲ್ಡರ್: ಮೋನಿಕಾ, ನವಜೋತ್‌ ಕೌರ್‌, ನಿಕ್ಕಿ ಪ್ರಧಾನ್‌, ನೇಹಾ ಗೋಯೆಲ್, ಲಿಲಿಮಾ ಮಿಂಝ್. ಫಾರ್ವರ್ಡ್ಸ್‌: ರಾಣಿ ರಾಮ್‌ಪಾಲ್, ವಂದನಾ ಕಟಾರಿಯಾ, ಲಾಲ್ರೆಮ್ಸಿಯಾಮಿ, ಜ್ಯೋತಿ, ನವನೀತ್‌ ಕೌರ್‌.