ಮೂರು ತಿಂಗಳ ಮಗುವಿನ ತಾಯಿಯನ್ನು ಕೋಣೆಯಿಂದ ಹೊರದಬ್ಬಿದರು!

ತನ್ನ ಮೂರು ತಿಂಗಳ ಮಗುವಿನೊಂದಿಗೆ ವಿದ್ಯಾರ್ಥಿನಿಯರ ವಸತಿ ಗೃಹದಲ್ಲಿ ಆಶ್ರಯ ಪಡೆದಿದ್ದ ಕೆಲಸದ ಮಹಿಳೆಯೊಬ್ಬಳನ್ನು ಆ ವಸತಿ ಗೃಹದ ಮೆಲ್ವಿಚಾರಕಿಯ ಪತಿ ಅಮಾನವೀಯವಾಗಿ ಎಳೆದೊಯ್ದು ಹೊರದಬ್ಬಿದ ಘಟನೆ ಛತ್ತೀಸ್ ಗಢದ ಕೊರ್ಯಾ ಎಂಬಲ್ಲಿ ವರದಿಯಾಗಿದೆ.

ಇಲ್ಲಿನ ಭರ್ವಾನಿ ಕನ್ಯಾ ಆಶ್ರಮದಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಮೇಲ್ವಚಾರಕಿಯಾಗಿರುವ ಸುಮೀಲಾ ಸಿಂಘ್ ಎಂಬಾಕೆಯ ಪತಿ ರಂಗಲ್ ಸಿಂಗ್ ಈ ನೀಚ ಕೃತ್ಯ ಎಸಗಿದ ವ್ಯಕ್ತಿಯಾಗಿದ್ದಾನೆ. ಪತಿ ಮತ್ತು ಪತ್ನಿ ಸೇರಿಕೊಂಡು ಸ್ವಚ್ಛತಾ ಕೆಲಸದ ಮಹಿಳೆಯನ್ನು ಮಂಚದಿಂದ ದರ ದರನೆ ಎಳೆದೊಯ್ದು ಕೋಣೆಯಿಂದ ಹೊರದಬ್ಬುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ. ಮಹಿಳೆಯ ಪುಟ್ಟ ಮಗುವಿನ ಕುರಿತಾಗಿ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.

ಘಟನೆಗೆ ಸಂಬಂದಿಸಿದಂತೆ ರಂಗಲದ ಸಿಂಗ್ ಮೇಲೆ ಎಫ್.ಐ.ಆರ್ ದಾಖಲಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.