ಮತ ರಾಜಕೀಯಕ್ಕೆ ರಾಮಾಯಣ ಬಳಕೆ ಸಲ್ಲ

ಹೊಸಪೇಟೆ: ಸಿಂಹಾಸನ ಬೇಡವೆಂದು ಕಾಡಿಗೆ ಹೋದ ರಾಮನ ಪಾತ್ರವನ್ನು ಇಂದು ಸಿಂಹಾಸನದ ಅವಕಾಶಕ್ಕಾಗಿ ಬಳಸಿಕೊಳ್ಳುತ್ತಿರುವುದು ರಾಜಕೀಯ ಅನೈತಿಕತೆ ಎಂದು ಸಾಹಿತಿ, ಚಿಂತಕ ಡಾ| ಬರಗೂರು ರಾಮಚಂದ್ರಪ್ಪ ಹೇಳಿದರು.

ಕನ್ನಡ ವಿಶ್ವವಿದ್ಯಾಲಯದಲ್ಲಿ ಸೋಮವಾರ ವಾಲ್ಮೀಕಿ ಅಧ್ಯಯನ ಪೀಠದ ವತಿಯಿಂದ ಆಯೋಜಿಸಿದ್ದ “ವಾಲ್ಮೀಕಿ ರಾಮಾಯಣ ಮರು ನಿರೂಪಣೆ’ ರಾಷ್ಟ್ರೀಯ ವಿಚಾರ ಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು.
 
ರಾಮಾಯಣವನ್ನು ಕೇವಲ ಸಾಹಿತ್ಯ ಕೃತಿಯಾಗಿ ಉಳಿಸಲಾಗಿಲ್ಲ. ಪಕ್ಷ ರಾಜಕೀಯ, ಸಾಂಸ್ಕೃತಿಕ,  ಸಾಮಾಜಿಕ ರಾಜಕೀಯ ಕೃತಿಯಾಗಿಬಿಟ್ಟಿದೆ. ಇಂತಹ ಸಂದರ್ಭದಲ್ಲಿ ರಾಮಾಯಣಕ್ಕೆ ಮರುಪ್ರವೇಶ ಅಷ್ಟು ಸುಲಭವಲ್ಲ. ಇಂದು ಶ್ರೇಷ್ಠ ಕೃತಿಯೊಂದು ರಾಜಕೀಯ ವಲಯದಲ್ಲಿ ಅಪಬಳಕೆ, ಬೌದ್ಧಿಕ ವಲಯದಲ್ಲಿ ಅಪವ್ಯಾಖ್ಯಾನಕ್ಕೆ ಒಳಗಾಗುತ್ತಿದೆ. ಮತ ರಾಜಕೀಯದ ಸಾಧನವಾಗಿ ಬಳಸಿದರೆ ಅದು ಕೃತಿಗೆ ಮಾಡುವ ಅವಮಾನ. ಇದೆಲ್ಲದರಿಂದ ರಾಮಾಯಣಕ್ಕೆ ಮುಕ್ತಿ ಸಿಗಬೇಕು. ಶ್ರೀರಾಮ
ಏಕಪಕ್ಷದ ಸಾಧನವಾಗಬೇಕೆ? ಎಂದು ನಾವೆಲ್ಲ ಪ್ರಶ್ನಿಸಿಕೊಳ್ಳಬೇಕಾಗಿದೆ ಎಂದರು.

ಇತ್ತೀಚಿನ ದಿನಗಳಲ್ಲಿ ಎಲ್ಲಾ ಮಹನೀಯರ ಜಯಂತಿ ಆಚರಣೆಗಳು ಜಾತಿಗೆ ಸೀಮಿತವಾಗುತ್ತಿವೆ. ಸಾಮಾಜಿಕ ಅಸ್ಮಿತೆಯ ಕಾರಣಕ್ಕೆ ನಾವು ಸಾಧಕರನ್ನು ನೆನೆಯಬೇಕು. ಆದರೆ ಅದರ ನಿರ್ವಹಣೆಯು ಸಮಾಜದಲ್ಲಿ ಜಾತಿಯನ್ನು ಗಟ್ಟಿಗೊಳಿಸುತ್ತಿದೆ. ಇದು ಸಂವಿಧಾನದ ಆಶಯಕ್ಕೆ ವಿರುದ್ಧವಾಗಿದೆ. ರಾಮಾಯಣವನ್ನು ಅಂತರ್‌ ಶಿಸ್ತೀಯ ಅಧ್ಯಯನದ ನೆಲೆಗೆ ಒಳಪಡಿಸಬೇಕು. ರಾಮಾಯಣದಲ್ಲಿ ಸೀತೆಯು ಸಹಿಷ್ಣುತೆಯ ಸಂಕೇತ. ಆದರೆ ಸೀತೆಯನ್ನು ಏಕೆ ನೆನಪಿಸಿಕೊಳ್ಳುತ್ತಿಲ್ಲ? ಈಕೆಯ ಪ್ರತಿಮೆಯನ್ನು ಏಕೆ ಇಡುವುದಿಲ್ಲ ಎಂಬುದೇ ರಾಜಕಾರಣವಾಗಿದೆ. ಇದು ಮಹಿಳೆಗೆ ಮಾಡುವ ಅನಾದರ. ಅಂದರೆ ದೇಶದಲ್ಲಿ ಸಹಿಷ್ಣುತೆ ಇಲ್ಲದ್ದರಿಂದ ಸೀತೆಯನ್ನು ನೆನಪಿಸುವುದಿಲ್ಲ. ತಾರಾ, ಮಂಡೋದರಿ, ಊರ್ಮಿಳೆ, ಶಬರಿ, ಸೀತೆ ಇವರೆಲ್ಲ ರಾಮಾಯಣದಲ್ಲಿ ಭೂಮಿ ತೂಕದ ಪಾತ್ರಗಳು ಎಂದು ವಿವರಿಸಿದರು.

ಕುಲಪತಿ ಡಾ| ಮಲ್ಲಿಕಾ ಎಸ್‌.ಘಂಟಿ ಮಾತನಾಡಿ, ರಾಮಾಯಣ, ಮಹಾಭಾರತಗಳು ಗ್ರಾಮೀಣ ಪ್ರದೇಶಗಳಲ್ಲಿ ಕುಟುಂಬದ ನೆಮ್ಮದಿ ಕಾಪಾಡುವಲ್ಲಿ ಮಹತ್ತರ ಪಾತ್ರ ನಿರ್ವಹಿಸುತ್ತಿ ವೆ. ಸಹಿಷ್ಣುತೆಯ ಧಾರಣಶಕ್ತಿ ಗ್ರಾಮೀಣ ಮಹಿಳೆಯರಿಗೆ ಎಲ್ಲಿಂದ ಬಂದಿದೆ? ಎಂದರೆ ರಾಮಾಯಣ, ಮಹಾಭಾರತಗಳಿಂದ. ರಾಜಕಾರಣವು ಸೌಹಾರ್ದತೆಗೆ ಧಕ್ಕೆ ತರುತ್ತಿರುವ ಈ ಸಂದರ್ಭದಲ್ಲಿ ಈ ಕಾವ್ಯಗಳು ಸಾಂತ್ವನ ಹೇಳುತ್ತಿವೆ ಎಂದರು.

ಚಿಂತಕ ಡಾ| ಕೃಷ್ಣಮೂರ್ತಿ ಹನೂರು ಮಾತನಾಡಿ, ರಾಮಾಯಣವು ದೇಶದ ಜೀವಂತ ವಸ್ತು ಸಂಗ್ರಹಾಲಯವಾಗಿದೆ ಎಂದು ರಾಮಾಯಣವನ್ನು ನಂಬಿ ಉಪಜೀವನ ನಡೆಸುವ ಜನಸಾಮಾನ್ಯರ ಸ್ಥಿತಿಗತಿಗಳನ್ನು ಬಿಚ್ಚಿಟ್ಟರು. ಡಾ| ಎಚ್‌.ಎಸ್‌. ವೆಂಕಟೇಶಮೂರ್ತಿ ಮಾತನಾಡಿ, ಸಮಾಜದ ಸಂದರ್ಭ ಹಾಗೂ ಕಾಲಕ್ಕೆ ತಕ್ಕಂತೆ ಬದಲಾವಣೆ ಮಾಡಿಕೊಳ್ಳುವುದೇ ಮರುನಿರೂಪಣೆಯಾಗಿದೆ. ಸೀತೆಯ ಪಾತಿವ್ರತ್ಯದ ನಿರೂಪಣೆಗಾಗಿ ಅಗ್ನಿಪ್ರವೇಶದ ಸಂದರ್ಭದಲ್ಲಿ ಕುವೆಂಪು ಅವರು ಶ್ರೀರಾಮನ ಶುದ್ಧತೆಯನ್ನು ತಮ್ಮ ರಾಮಾಯಣದಲ್ಲಿ ಮರುನಿರೂಪಣೆಯ ಮೂಲಕ ಹೇಳಿದ್ದಾರೆ ಎಂದು ತಿಳಿಸಿದರು.

ಕುಲಸಚಿವ ಡಾ| ಮಂಜುನಾಥ್‌ ಬೇವಿನಕಟ್ಟಿ, ವಿಚಾರ ಸಂಕಿರಣದ ಸಂಚಾಲಕ ಡಾ|ಅಮರೇಶ ಯತಗಲ್‌, ಶೈಕ್ಷಣಿಕ ಉಪಕುಲಸಚಿವ ಡಾ| ಎಸ್‌. ವೈ.ಸೋಮಶೇಖರ್‌, ಆಡಳಿತ ಉಪಕುಲಸಚಿವ ಡಾ|ಎ. ವೆಂಕಟೇಶ ಇನ್ನಿತರರಿದ್ದರು. ಇದೇ
ಸಂದರ್ಭದಲ್ಲಿ ಕೇಂದ್ರ ಸಚಿವ ಅನಂತಕುಮಾರ್‌ ನಿಧನಕ್ಕೆ ಸಂತಾಪ ಸೂಚಿಸಲಾಯಿತು. 

ಹೊಸಪೇಟೆ: ಸಿಂಹಾಸನ ಬೇಡವೆಂದು ಕಾಡಿಗೆ ಹೋದ ರಾಮನ ಪಾತ್ರವನ್ನು ಇಂದು ಸಿಂಹಾಸನದ ಅವಕಾಶಕ್ಕಾಗಿ ಬಳಸಿಕೊಳ್ಳುತ್ತಿರುವುದು ರಾಜಕೀಯ ಅನೈತಿಕತೆ ಎಂದು ಸಾಹಿತಿ, ಚಿಂತಕ ಡಾ| ಬರಗೂರು ರಾಮಚಂದ್ರಪ್ಪ ಹೇಳಿದರು. ಕನ್ನಡ ವಿಶ್ವವಿದ್ಯಾಲಯದಲ್ಲಿ ಸೋಮವಾರ ವಾಲ್ಮೀಕಿ ಅಧ್ಯಯನ ಪೀಠದ ವತಿಯಿಂದ ಆಯೋಜಿಸಿದ್ದ “ವಾಲ್ಮೀಕಿ ರಾಮಾಯಣ ಮರು ನಿರೂಪಣೆ’ ರಾಷ್ಟ್ರೀಯ ವಿಚಾರ ಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು.

ರಾಮಾಯಣವನ್ನು ಕೇವಲ ಸಾಹಿತ್ಯ ಕೃತಿಯಾಗಿ ಉಳಿಸಲಾಗಿಲ್ಲ. ಪಕ್ಷ ರಾಜಕೀಯ, ಸಾಂಸ್ಕೃತಿಕ, ಸಾಮಾಜಿಕ ರಾಜಕೀಯ ಕೃತಿಯಾಗಿಬಿಟ್ಟಿದೆ. ಇಂತಹ ಸಂದರ್ಭದಲ್ಲಿ ರಾಮಾಯಣಕ್ಕೆ ಮರುಪ್ರವೇಶ ಅಷ್ಟು ಸುಲಭವಲ್ಲ. ಇಂದು ಶ್ರೇಷ್ಠ ಕೃತಿಯೊಂದು
ರಾಜಕೀಯ ವಲಯದಲ್ಲಿ ಅಪಬಳಕೆ, ಬೌದ್ಧಿಕ ವಲಯದಲ್ಲಿ ಅಪವ್ಯಾಖ್ಯಾನಕ್ಕೆ ಒಳಗಾಗುತ್ತಿದೆ. ಮತ ರಾಜಕೀಯದ ಸಾಧನವಾಗಿ ಬಳಸಿದರೆ ಅದು ಕೃತಿಗೆ ಮಾಡುವ ಅವಮಾನ. ಇದೆಲ್ಲದರಿಂದ ರಾಮಾಯಣಕ್ಕೆ ಮುಕ್ತಿ ಸಿಗಬೇಕು. ಶ್ರೀರಾಮ ಏಕಪಕ್ಷದ ಸಾಧನವಾಗಬೇಕೆ? ಎಂದು ನಾವೆಲ್ಲ ಪ್ರಶ್ನಿಸಿಕೊಳ್ಳಬೇಕಾಗಿದೆ ಎಂದರು.

ಇತ್ತೀಚಿನ ದಿನಗಳಲ್ಲಿ ಎಲ್ಲಾ ಮಹನೀಯರ ಜಯಂತಿ ಆಚರಣೆಗಳು ಜಾತಿಗೆ ಸೀಮಿತವಾಗುತ್ತಿವೆ. ಸಾಮಾಜಿಕ ಅಸ್ಮಿತೆಯ ಕಾರಣಕ್ಕೆ ನಾವು ಸಾಧಕರನ್ನು ನೆನೆಯಬೇಕು. ಆದರೆ ಅದರ ನಿರ್ವಹಣೆಯು ಸಮಾಜದಲ್ಲಿ ಜಾತಿಯನ್ನು ಗಟ್ಟಿಗೊಳಿಸುತ್ತಿದೆ.

ಇದು ಸಂವಿಧಾನದ ಆಶಯಕ್ಕೆ ವಿರುದ್ಧವಾಗಿದೆ. ರಾಮಾಯಣವನ್ನು ಅಂತರ್‌ ಶಿಸ್ತೀಯ ಅಧ್ಯಯನದ ನೆಲೆಗೆ ಒಳಪಡಿಸಬೇಕು. ರಾಮಾಯಣದಲ್ಲಿ ಸೀತೆಯು ಸಹಿಷ್ಣುತೆಯ ಸಂಕೇತ. ಆದರೆ ಸೀತೆಯನ್ನು ಏಕೆ ನೆನಪಿಸಿಕೊಳ್ಳುತ್ತಿಲ್ಲ? ಈಕೆಯ ಪ್ರತಿಮೆಯನ್ನು ಏಕೆ ಇಡುವುದಿಲ್ಲ ಎಂಬುದೇ ರಾಜಕಾರಣವಾಗಿದೆ. ಇದು ಮಹಿಳೆಗೆ ಮಾಡುವ ಅನಾದರ. ಅಂದರೆ ದೇಶದಲ್ಲಿ ಸಹಿಷ್ಣುತೆ ಇಲ್ಲದ್ದರಿಂದ ಸೀತೆಯನ್ನು ನೆನಪಿಸುವುದಿಲ್ಲ. ತಾರಾ, ಮಂಡೋದರಿ, ಊರ್ಮಿಳೆ, ಶಬರಿ, ಸೀತೆ ಇವರೆಲ್ಲ ರಾಮಾಯಣದಲ್ಲಿ ಭೂಮಿ ತೂಕದ ಪಾತ್ರಗಳು ಎಂದು ವಿವರಿಸಿದರು.

ಕುಲಪತಿ ಡಾ| ಮಲ್ಲಿಕಾ ಎಸ್‌.ಘಂಟಿ ಮಾತನಾಡಿ, ರಾಮಾಯಣ, ಮಹಾಭಾರತಗಳು ಗ್ರಾಮೀಣ ಪ್ರದೇಶಗಳಲ್ಲಿ ಕುಟುಂಬದ
ನೆಮ್ಮದಿ ಕಾಪಾಡುವಲ್ಲಿ ಮಹತ್ತರ ಪಾತ್ರ ನಿರ್ವಹಿಸುತ್ತಿವೆ. ಸಹಿಷ್ಣುತೆಯ ಧಾರಣಶಕ್ತಿ ಗ್ರಾಮೀಣ ಮಹಿಳೆಯರಿಗೆ ಎಲ್ಲಿಂದ ಬಂದಿದೆ?
ಎಂದರೆ ರಾಮಾಯಣ, ಮಹಾಭಾರತಗಳಿಂದ. ರಾಜಕಾರಣವು ಸೌಹಾರ್ದತೆಗೆ ಧಕ್ಕೆ ತರುತ್ತಿರುವ ಈ ಸಂದರ್ಭದಲ್ಲಿ ಈ ಕಾವ್ಯಗಳು ಸಾಂತ್ವನ ಹೇಳುತ್ತಿವೆ ಎಂದರು.

ಚಿಂತಕ ಡಾ| ಕೃಷ್ಣಮೂರ್ತಿ ಹನೂರು ಮಾತನಾಡಿ, ರಾಮಾಯಣವು ದೇಶದ ಜೀವಂತ ವಸ್ತು ಸಂಗ್ರಹಾಲಯವಾಗಿದೆ ಎಂದು
ರಾಮಾಯಣವನ್ನು ನಂಬಿ ಉಪಜೀವನ ನಡೆಸುವ ಜನಸಾಮಾನ್ಯರ ಸ್ಥಿತಿಗತಿಗಳನ್ನು ಬಿಚ್ಚಿಟ್ಟರು. ಡಾ| ಎಚ್‌.ಎಸ್‌. ವೆಂಕಟೇಶಮೂರ್ತಿ ಮಾತನಾಡಿ, ಸಮಾಜದ ಸಂದರ್ಭ ಹಾಗೂ ಕಾಲಕ್ಕೆ ತಕ್ಕಂತೆ ಬದಲಾವಣೆ ಮಾಡಿಕೊಳ್ಳುವುದೇ  ಮರುನಿರೂಪಣೆಯಾಗಿದೆ. ಸೀತೆಯ ಪಾತಿವ್ರತ್ಯದ ನಿರೂಪಣೆಗಾಗಿ ಅಗ್ನಿಪ್ರವೇಶದ ಸಂದರ್ಭದಲ್ಲಿ ಕುವೆಂಪು ಅವರು ಶ್ರೀರಾಮನ ಶುದ್ಧತೆಯನ್ನು ತಮ್ಮ ರಾಮಾಯಣದಲ್ಲಿ ಮರುನಿರೂಪಣೆಯ ಮೂಲಕ ಹೇಳಿದ್ದಾರೆ ಎಂದು ತಿಳಿಸಿದರು.

ಕುಲಸಚಿವ ಡಾ| ಮಂಜುನಾಥ್‌ ಬೇವಿನಕಟ್ಟಿ, ವಿಚಾರ ಸಂಕಿರಣದ ಸಂಚಾಲಕ ಡಾ|ಅಮರೇಶ ಯತಗಲ್‌, ಶೈಕ್ಷಣಿಕ ಉಪಕುಲಸಚಿವ ಡಾ| ಎಸ್‌. ವೈ.ಸೋಮಶೇಖರ್‌, ಆಡಳಿತ ಉಪಕುಲಸಚಿವ ಡಾ|ಎ. ವೆಂಕಟೇಶ ಇನ್ನಿತರರಿದ್ದರು. ಇದೇ
ಸಂದರ್ಭದಲ್ಲಿ ಕೇಂದ್ರ ಸಚಿವ ಅನಂತಕುಮಾರ್‌ ನಿಧನಕ್ಕೆ ಸಂತಾಪ ಸೂಚಿಸಲಾಯಿತು.