ಶುಕ್ರವಾರ ಮೈಸೂರಿಗೆ ಬರುತ್ತೆ ನದಿಗಳಿಗಾಗಿ ರಾಲಿ

ಕೊಯಮತ್ತೂರು: ದೇಶದಲ್ಲಿನ ನದಿಗಳ ಉಳಿವಿಗಾಗಿ, ಸದ್ಗುರು ಜಗ್ಗಿ ವಾಸುದೇವ್‌ ಅವರ ಇಶಾ ಫೌಂಡೇಷನ್‌ ಹಮ್ಮಿಕೊಂಡಿರುವ ನದಿಗಳಿಗಾಗಿ ರಾಲಿ (ರಾಲಿ ಫಾರ್‌ ರಿವರ್ಸ್‌)ಯನ್ನು ಪಂಜಾಬ್‌ ರಾಜ್ಯಪಾಲ ವಿ.ಪಿ.ಸಿಂಗ್‌ ಉದ್ಘಾಟಿಸಿದರು. ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಈ ಕಾರ್ಯಕ್ರಮ ನಡೆಯಲಿದ್ದು, ಮೈಸೂರಿಗೆ ಸೆ.8ರಂದು ಆಗಮಿಸಲಿದೆ. ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಖಾತೆ ಸಚಿವ ಡಾ.ಹರ್ಷ ವರ್ಧನ್‌ ಮಾತನಾಡಿ ಸದ್ಗುರು ಅವರೇ ನದಿಗಳ ಉಳಿವಿಗಾಗಿ ಹೋರಾಟಕ್ಕೆ ಮುಂದಾಗಿದ್ದಾರೆ. ಅವರಿಂದಾಗಿ ನದಿಗಳ ಉಳಿವಿಗಾಗಿ ಮಾಡಬೇಕಾದ ಕರ್ತವ್ಯವನ್ನು ನೆನಪಿಸಿಕೊಂಡಿದ್ದಾರೆ ಎಂದು ಹೇಳಿದರು.

ಸದ್ಗುರು ಅವರೇ ಖುದ್ದಾಗಿ ಸೆ.3ರಿಂದ ಅ.2ರ ವರೆಗಿನ ಅವಧಿಯಲ್ಲಿ 16 ರಾಜ್ಯಗಳ ವಿವಿಧ ಪ್ರದೇಶಗಳಲ್ಲಿ ಆಯೋಜಿಸಲಾಗಿರುವ ಕಾರ್ಯಕ್ರಮ ದಲ್ಲಿ ಭಾಗವಹಿಸಲಿದ್ದಾರೆ ಮತ್ತು ರಾಲಿಯನ್ನು ಮುನ್ನಡೆಸಲಿದ್ದಾರೆ. ಮಹಿಳಾ ಕ್ರಿಕೆಟ್‌ ತಂಡದ ನಾಯಕಿ ಮಿಥಾಲಿ ರಾಜ್‌, ಕ್ರಿಕೆಟಿಗ ವೀರೆಂದರ್‌ ಸೆಹ್ವಾಗ್‌, ತಮಿಳುನಾಡು ಗ್ರಾಮೀಣಾಭಿವೃದ್ಧಿ ಸಚಿವ ಎಸ್‌.ಪಿ.ವೇಲುಮಣಿ ಸೇರಿದಂತೆ ಪ್ರಮುಖರು ಇದ್ದರು.