ಮೆಹ್ರಿಷಿ ಸಿಎಜಿ, ಅರೋರಾ ಚುನಾವಣಾ ಆಯುಕ್ತ

ಹೊಸದಿಲ್ಲಿ: ಅಧಿಕಾರಿ ಮಟ್ಟದಲ್ಲಿ ಮಹತ್ವದ ಪುನಾರಚನೆ ಆಗಿದ್ದು, ನೂತನ ಗೃಹ ಕಾರ್ಯದರ್ಶಿಯಾಗಿ ಹಿರಿಯ ಅಧಿಕಾರಿ ರಾಜೀವ್‌ ಗೌಬ ಅವರು ಗುರುವಾರ ಅಧಿಕಾರ ವಹಿಸಿಕೊಂಡಿದ್ದಾರೆ.

2 ವರ್ಷಗಳ ಕಾಲ ಈ ಗುರು ತರ ಹುದ್ದೆ ನಿರ್ವಹಿಸಲಿದ್ದಾರೆ. ಇನ್ನು ಗೃಹ ಕಾರ್ಯದರ್ಶಿ ಹುದ್ದೆಯಿಂದ ನಿವೃತ್ತಿಯಾದ ರಾಜೀವ್‌ ಮೆಹ್ರಿಷಿ ಅವರನ್ನು ನೂತನ ಮಹಾಲೇಖಪಾಲ(ಸಿಎಜಿ)ರಾಗಿ ನೇಮಿಸಲಾಗಿದೆ. ಮಾಹಿತಿ ಮತ್ತು ಪ್ರಸಾರ ಇಲಾಖೆ ಮಾಜಿ ಕಾರ್ಯದರ್ಶಿಯಾಗಿದ್ದ ಸುನೀಲ್‌ ಅರೋರಾ ಅವರನ್ನು ಚುನಾವಣಾ ಆಯುಕ್ತರನ್ನಾಗಿ ನೇಮಿಸಲಾಗಿದೆ. ಗುಜರಾತ್‌ನ ಅನಿತಾ ಕರ್ವಾಲ್‌ ಅವರು ಸಿಬಿಎಸ್‌ಇ ಮುಖ್ಯಸ್ಥರಾಗಿಯೂ, ಹಿರಿಯ ಅಧಿಕಾರಿ ರಾಜೀವ್‌ ಕುಮಾರ್‌ ಅವರು ಹಣಕಾಸು ಸೇವಾ ಇಲಾಖೆಯ ಕಾರ್ಯದರ್ಶಿಯಾಗಿಯೂ ನೇಮಕಗೊಂಡಿದ್ದಾರೆ.