Kollywood: ನಿಂತು ಹೋಯಿತಾ ರಜಿನಿ – ಲೋಕೇಶ್‌ ಪ್ಯಾನ್‌ ಇಂಡಿಯಾ ʼಕೂಲಿʼ? ಇಲ್ಲಿದೆ ವಿವರ

ಚೆನ್ನೈ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ -ಲೋಕೇಶ್‌ ಕನಕರಾಜ್ ಕಾಂಬಿನೇಷನ್‌ ನ ಬಹುನಿರೀಕ್ಷಿತ ʼ ಕೂಲಿʼ ಸಿನಿಮಾದ ಬಗ್ಗೆ ಪ್ಯಾನ್‌ ಇಂಡಿಯಾದಲ್ಲಿ ದೊಡ್ಡ ಹೈಪ್‌ ಕ್ರಿಯೇಟ್‌ ಆಗಿದೆ.

ಕಮಲ್‌ ಹಾಸನ್‌, ದಳಪತಿ ವಿಜಯ್‌ ಬಳಿಕ ಪ್ಯಾನ್‌ ಇಂಡಿಯಾದಲ್ಲಿ ರಜಿನಿಕಾಂತ್‌ (Rajinikanth) ಅವರೊಂದಿಗೆ ಇದೇ ಮೊದಲ ಬಾರಿಗೆ ಲೋಕೇಶ್‌ ಕನಕರಾಜ್‌ (Lokesh Kanagaraj) ಸಿನಿಮಾವನ್ನು ಮಾಡಲಿದ್ದಾರೆ. ಚಿತ್ರದ ಮಾಸ್‌ ಟೀಸರ್‌ ನೆಟ್ಟಿಗರ ಗಮನ ಸೆಳೆದಿದ್ದು, ಸಿನಿಮಾ ನೋಡುವ ಕುತೂಹಲವನ್ನು ಹೆಚ್ಚಾಗಿಸಿದೆ.‌

ಇದನ್ನೂ ಓದಿ: Raj B Shetty: ಮತ್ತೆ ʼಒಂದು ಮೊಟ್ಟೆಯ ಕಥೆʼ ತಂಡದ ಸಿನಿಮಾ ಮಾಡಲಿದ್ದಾರೆ ರಾಜ್‌ ಬಿ ಶೆಟ್ಟಿ

ಇನ್ನೇನು ʼಕೂಲಿʼ ಚಿತ್ರೀಕರಣ ಆರಂಭವಾಗಬೇಕೆನ್ನುವಷ್ಟರಲ್ಲೇ ಚಿತ್ರದ ಬಗ್ಗೆ ನೆಗೆಟಿವ್‌ ಸುದ್ದಿಯೊಂದು ಹರಿದಾಡುತ್ತಿದೆ.

ಲೋಕೇಶ್‌ ಕನಕರಾಜ್‌ ತನ್ನ ʼಎಕ್ಸ್‌ʼ ನ ಬಯೋದಲ್ಲಿ #ಕೂಲಿ ಎಂದು ಬರೆದುಕೊಂಡಿದ್ದರು. ಆದರೆ ಈಗ ಅದನ್ನು ತೆಗೆದಿದ್ದು, ಇದೇ ಕಾರಣದಿಂದ ಲೋಕೇಶ್‌ – ರಜಿನಿ ಸಿನಿಮಾ ನಿಂತು ಹೋಯಿತು. ʼಕೂಲಿʼ ಸಿನಿಮಾ ಡ್ರಾಪ್‌ ಆಗಿದೆ ಎಂದು ಕೆಲವರು ಸೋಶಿಯಲ್‌ ಮೀಡಿಯಾದಲ್ಲಿ ಸ್ಕ್ರೀನ್‌ ಶಾಟ್‌ ಹಂಚಿಕೊಳ್ಳುತ್ತಿದ್ದಾರೆ.

ಲೋಕೇಶ್‌ ಸೆನ್ಸಾರ್‌ ಆದ ಬಳಿಕವಷ್ಟೇ ಸಿನಿಮಾದ ಟೈಟಲ್‌ ನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಾರೆ ಎಂದು ಕೆಲ ವರದಿಗಳು ತಿಳಿಸಿವೆ. ಈ ಹಿಂದೆ ʼಲಿಯೋʼ ಸಿನಿಮಾದ ಸಮಯದಲ್ಲೂ ಇದೇ ರೀತಿಯ ಸುದ್ದಿಗಳು ಹರಿದಾಡಿತ್ತು.

ʼಕೂಲಿʼ ಚಿತ್ರದ ಶೂಟಿಂಗ್‌ ಜುಲೈನಿಂದ ಆರಂಭಗೊಳ್ಳಲಿದೆ.

ಸದ್ಯ ರಜಿನಿಕಾಂತ್ ಟಿ.ಜೆ ಜ್ಞಾನವೇಲ್‌ ಅವರ ವೆಟ್ಟೈಯಾನ್ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಇದೇ ವರ್ಷದ ಅಕ್ಟೋಬರ್‌ ತಿಂಗಳಿನಲ್ಲಿ ರಿಲೀಸ್‌ ಆಗಲಿದೆ.