ಡಿ.12ರ ಹುಟ್ಟುಹಬ್ಬದಂದು ರಜನೀಕಾಂತ್‌ ರಾಜಕೀಯ ಪ್ರವೇಶ

ಚೆನ್ನೈ: ನಟ ಕಮಲ ಹಾಸನ್‌ ಬಳಿಕ ಇದೀಗ ಇನ್ನೋರ್ವ ತಮಿಳು ಸೂಪರ್‌ಸ್ಟಾ ರ್‌ ರಜನೀಕಾಂತ್‌ ಅವರು ಡಿ.12ರ ತಮ್ಮ ಹುಟ್ಟುಹಬ್ಬದ ದಿನ ರಾಜಕೀಯ ರಂಗವನ್ನು ಪ್ರವೇಶಿಸಲಿದ್ದಾರೆ.

ರಜನೀಕಾಂತ್‌ ಎಡ – ಬಲ ಮುಂತಾಗಿ ಯಾವುದೇ ಪಕ್ಷವನ್ನು ಸೇರುವುದಿಲ್ಲ; ಬದಲು ತಮ್ಮದೇ ಪಕ್ಷವನ್ನು ಆರಂಬಿಸಲಿದ್ದಾರೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.

ತಾನು ರಾಜಕೀಯ ಪ್ರವೇಶಿಸಲಿದ್ದೇನೆ ಎಂಬುದಾಗಿ ರಜನೀಕಾಂತ್‌ ಅವರು ಕಳೆದ ಆಗಸ್ಟ್‌ ತಿಂಗಳಲ್ಲೇ ಹೇಳಿದ್ದರು.

ಕಳೆದ ಮಂಗಳವಾರ ತಮಿಳು ಚಿತ್ರ ನಟ ಕಮಲ ಹಾಸನ್‌ ಅವರು ತಮ್ಮ ಅಭಿಮಾನಿಗಳನ್ನು ತಲುಪಲು ಮೊಬೈಲ್‌ ಆ್ಯಪ್‌ ಒಂದನ್ನು ಬಿಡುಗಡೆ ಮಾಡಿದ್ದರು.

“ಒಂದೊಮ್ಮೆ ರಜನೀಕಾಂತ್‌ ರಾಜಕೀಯ ರಂಗವನ್ನು ಪ್ರವೇಶಿಸಿದರೆ ತಾನೂ ಅತನ ಜತೆ ಸೇರಿಕೊಳ್ಳುವೆ ಎಂದು ಕಮಲ ಹಾಸನ್‌ ಹೇಳಿದ್ದರು.