Advertisement
ರಣಜಿ ಚಾಂಪಿಯನ್‌ ಎನಿಸಿಕೊಳ್ಳಲು ಮೊದಲ “ಅರ್ಹತಾ ಪರೀಕ್ಷೆ’ಯಾದ ಇನ್ನಿಂಗ್ಸ್‌ ಲೀಡ್‌ ಗಳಿಕೆಯಲ್ಲಿ ಮಧ್ಯ ಪ್ರದೇಶ ತೇರ್ಗಡೆಯಾಗಿದೆ. ಪಂದ್ಯದ 4ನೇ ದಿನವಾದ ಶನಿವಾರ ಮೊದಲ ಇನ್ನಿಂಗ್ಸ್‌ನಲ್ಲಿ 536 ರನ್‌ ಪೇರಿಸಿತು. ಲಭಿಸಿದ ಮುನ್ನಡೆ 162 ರನ್‌. ರಜತ್‌ ಪಾಟೀದಾರ್‌ 122 ರನ್‌ ಬಾರಿಸಿ ತಂಡದ ಮೊತ್ತವನ್ನು ಐನೂರರ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು. ಮುಂಬಯಿ ಮೊದಲ ಇನ್ನಿಂಗ್ಸ್‌ನಲ್ಲಿ 374 ರನ್‌ ಗಳಿಸಿತ್ತು.
Related Articles
ಮಧ್ಯ ಪ್ರದೇಶ 3 ವಿಕೆಟಿಗೆ 368 ರನ್‌ ಗಳಿಸಿದಲ್ಲಿಂದ ದಿನದಾಟ ಮುಂದುವರಿಸಿತ್ತು. ಆಗ ರಜತ್‌ ಪಾಟೀದಾರ್‌ 67ರಲ್ಲಿದ್ದರು. ಸೊಗಸಾದ ಬ್ಯಾಟಿಂಗ್‌ ಮುಂದುವರಿಸಿ 122ರ ತನಕ ಬೆಳೆದರು. 219 ಎಸೆತಗಳ ಈ ಆಟದಲ್ಲಿ 20 ಬೌಂಡರಿ ಸೇರಿತ್ತು. ಈ ರಣಜಿ ಸೀಸನ್‌ನಲ್ಲಿ ಅವರ ರನ್‌ ಗಳಿಕೆ 628ಕ್ಕೆ ಏರಿದೆ. ಸಫìರಾಜ್‌ ಖಾನ್‌ (937 ರನ್‌) ಬಳಿಕ ಇವರದೇ ಅತ್ಯಧಿಕ ಮೊತ್ತವಾಗಿದೆ.
Advertisement
ಬೌಲಿಂಗ್‌ನಲ್ಲಿ ಮಿಂಚಿದ ಸಾರಾಂಶ್‌ ಜೈನ್‌ ಬ್ಯಾಟಿಂಗ್‌ನಲ್ಲೂ ತಮ್ಮ ಪರಾಕ್ರಮ ಪ್ರದರ್ಶಿಸಿ 57 ರನ್‌ ಬಾರಿಸಿದರು (97 ಎಸೆತ, 7 ಬೌಂಡರಿ). ಇನ್ನಿಂಗ್ಸ್‌ ಮುನ್ನಡೆಯಲ್ಲಿ ಜೈನ್‌ ಪಾತ್ರವೂ ಮಹತ್ವದ್ದಾಗಿತ್ತು.
ಮುಂಬಯಿ ಪರ ಶಮ್ಸ್‌ ಮುಲಾನಿ 5 ವಿಕೆಟ್‌ ಉರುಳಿಸಿದರಾದರೂ ಇದಕ್ಕಾಗಿ 173 ರನ್‌ ಬಿಟ್ಟುಕೊಟ್ಟರು. ತುಷಾರ್‌ ದೇಶಪಾಂಡೆ ಕೂಡ “ಬೌಲಿಂಗ್‌ ಶತಕ’ ದಾಖಲಿಸಿದರು (116ಕ್ಕೆ 3 ವಿಕೆಟ್‌).
ದ್ವಿತೀಯ ಸರದಿಯಲ್ಲಿ ನಾಯಕ ಪೃಥ್ವಿ ಶಾ (44) ಮತ್ತು ಅವರ ಜತೆಗಾರ ಹಾರ್ದಿಕ ತಮೋರೆ (25) ಅವರನ್ನು ಮುಂಬಯಿ ಈಗಾಗಲೇ ಕಳೆದುಕೊಂಡಿದೆ. ಇಬ್ಬರೂ ಬಿರುಸಿನ ಆಟಕ್ಕೆ ಮುಂದಾಗಿದ್ದರು. 10.3 ಓವರ್‌ಗಳಲ್ಲಿ 63 ರನ್‌ ಪೇರಿಸಿದ್ದರು.
ಸಂಕ್ಷಿಪ್ತ ಸ್ಕೋರ್‌: ಮುಂಬಯಿ-374 ಮತ್ತು 2 ವಿಕೆಟಿಗೆ 113 (ಶಾ 44, ತಮೋರೆ 25, ಜಾಫ‌ರ್‌ ಬ್ಯಾಟಿಂಗ್‌ 30). ಮಧ್ಯ ಪ್ರದೇಶ-536 (ಯಶ್‌ ದುಬೆ 133, ಪಾಟೀದಾರ್‌ 122, ಶುಭಂ ಶರ್ಮ 116, ಸಾರಾಂಶ್‌ ಜೈನ್‌ 57, ಮುಲಾನಿ 173ಕ್ಕೆ 5, ದೇಶಪಾಂಡೆ 116ಕ್ಕೆ 3, ಅವಸ್ಥಿ 93ಕ್ಕೆ 2).