ನನ್ನ ಮನ ಆನಂದದೆಡೆಗೆ

ಮುಂಗಾರಿನ ಮಳೆಯು ಝೇಂಕರಿಸಿದಾಗ,

ಕಾರ್ಮೋಡಗಳು ಘರ್ಷಿಸಿದಾಗ,

ಮೈ ಜುಂ ಎನಿಸುವ ಮಿಂಚು,

ಹೃದಯ ನಡುಗಿಸುವ ಗುಡುಗು,

ಆಗಸದಿ  ರಂಗು ರಂಗಿನ ಕಾಮನಬಿಲ್ಲು,

ಹಾಲ್ಗಡಲು  ಮೈದುಂಬಿ ಹರಿದು,

ಜಲಧಾರೆಯು ಭೋರ್ಗರೆದು,

ಪ್ರಕೃತಿಯ ಸೌಂದರ್ಯ ಬೆಸೆದು,

ವರ್ಷ ಧಾರೆಯು ಇಳೆಗೆ ತಂಪೆರೆದು,

ತರು ಲತೆಗಳು ಚಿಗುರೊಡೆದು,

ಗಿಡ ಮರಗಳು ಮೈನೆರೆದು,

ರೈತನ ಮೊಗ ಸಂತಸದಿ ಬಿರಿದು,

ತಂಪಾಗಿ ಸುರಿದ ಮಳೆಗೆ,

ಇಳೆಯ  ದಾಹ ಅಂತ್ಯದೆಡೆಗೆ,

ಮನೋಹರ ಪ್ರಕೃತಿಯ ಈ ಬೆಸುಗೆ

ನನ್ನ ಮನ ಆನಂದದೆಡೆಗೆ……

 

 ಸುಶ್ಮಿತಾ ಕೆ.

ಭಂಡಾರ್‌ ಕಾರ್ಸ್‌ ಕಾಲೇಜು, ಕುಂದಾಪುರ