ಚಿಕ್ಕಮಗಳೂರು: ನಿಲ್ಲದ ವರುಣಾರ್ಭಟ; ಸಂಕಷ್ಟದಲ್ಲಿ ಗ್ರಾಮಸ್ಥರು, ರಕ್ಷಣಾ ಪಡೆ

ಚಿಕ್ಕಮಗಳೂರು: ಮಲೆನಾಡಿನಲ್ಲಿ ಮಳೆಯ ಆರ್ಭಟ ಮುಂದುವರಿದಿದ್ದು ಕಾಫಿ ನಾಡು ಚಿಕ್ಕಮಗಳೂರು ಅಕ್ಷರಶಃ ನಲುಗಿ ಹೋಗಿದೆ. ದಿನಗಳೆದಂತೆ ಹೆಚ್ಚುತ್ತಿರುವ ಮಳೆ, ಜೀವನದಿಗಳ ರೌದ್ರಾರ್ಭಟಕ್ಕೆ ಮಲೆನಾಡ ಜನಜೀವನ ಅಸ್ತವ್ಯಸ್ಥವಾಗಿದೆ.

ಸಂಕಷ್ಟದಲ್ಲಿ ಆಲೇಖಾನ್‌ ಗ್ರಾಮ; ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಆಲೇಖಾನ್‌ ಹೊರಟ್ಟಿ ಗ್ರಾಮದಲ್ಲಿ ನಿರಂತರವಾಗಿ ಗುಡ್ಡ ಕುಸಿಯುತ್ತಿದೆ. ಗ್ರಾಮಸ್ಥರು ಸಂಕಷ್ಟದಲ್ಲಿದ್ದಾರೆ.

ರಕ್ಷಣಾ ತಂಡ ಶನಿವಾರ ಸ್ಥಳಕ್ಕೆ ತರೆಳಿ ರಕ್ಷಣಾ ಕಾರ್ಯ ಆರಂಭಿಸುತ್ತಿದ್ದಂತೆ, ರಾತ್ರಿ ಮತ್ತೆ ಗುಡ್ಡ ಕುಸಿದು ರಕ್ಷಣಾ ತಂಡವೇ ಅತಂತ್ರವಾಗಿದೆ. ನೂರಾರು ಗ್ರಾಮಸ್ಥರೊಂದಿಗೆ ರಕ್ಷಣಾ ತಂಡ, ಅಗ್ನಿಶಾಮಕ ದಳ ಕೂಡಾ ಸಿಲುಕಿ ಹಾಕಿಕೊಂಡಿದ್ದು, ತಮ್ಮನ್ನು ರಕ್ಷಿಸುವಂತೆ ಮನವಿ ಮಾಡಿಕೊಂಡಿದ್ದಾರೆ.