ಪರದೆ ಬಳಕೆ ಇಲ್ಲ

ಹೊಸದಿಲ್ಲಿ:  ರೈಲುಗಳ ಎಸಿ ಕೋಚ್‌ಗಳಲ್ಲಿ ಬಳಸಲಾಗುವ ಪರದೆಗಳ ಉಪಯೋಗವನ್ನು ಸದ್ಯದಲ್ಲೇ ನಿಲ್ಲಿಸಲು ರೈಲ್ವೆ ಮಂಡಳಿ ಚಿಂತನೆ ನಡೆಸಿದೆ. ಪ್ರಯಾಣಿಕರ ಖಾಸಗಿತನ ಕಾಪಾಡಲು ಈ ಪರದೆಗಳನ್ನು ಕೋಚ್‌ನಲ್ಲಿನ ಕ್ಯೂಬಿಕಲ್‌ಗ‌ಳ ನಡುವೆ ಬಳಸಲಾಗುತ್ತಿದೆ.
ಆದರೆ, ಕೆಲವು ಪ್ರಯಾಣಿಕರು ಇವುಗಳನ್ನು ತಮ್ಮ ಒದ್ದೆ ಕೈಗಳನ್ನು, ಬೂಟುಗಳನ್ನು ಒರೆಸಲು ಬಳಸುತ್ತಿದ್ದು ತೊಳೆಯಲು ಕಷ್ಟವಾಗುವಷ್ಟು ಗಲೀಜಾಗಿಡುತ್ತಿರುವುದು ಮಂಡಳಿಗೆ ತಲೆನೋವಾಗಿ ಪರಿಣಮಿಸಿದೆ. ಕೊಳಕು ಪರದೆಗಳ ನಿರ್ವಹಣೆ ಕಷ್ಟವೆನಿಸುತ್ತಿರುವುದರಿಂದ ಇವುಗಳ ಬಳಕೆ ನಿಲ್ಲಿಸಲು ಮಂಡಳಿ ಚಿಂತನೆ ನಡೆಸಿದೆ.