Railway: ಎಸಿ ಬೋಗಿಗಳ ಬದಲು ಸಾಮಾನ್ಯ ಬೋಗಿ ಸೇರ್ಪಡೆ ಹೆಚ್ಚಳಕ್ಕೆ ಕ್ರಮ: ರೈಲ್ವೇ ಸಚಿವ

ಹೊಸದಿಲ್ಲಿ: ರೈಲುಗಳಲ್ಲಿ ಹವಾನಿಯಂತ್ರಿತ (ಎ.ಸಿ.) ಬೋಗಿಗಳ ಸೇರ್ಪಡೆಯನ್ನು ಹೆಚ್ಚಿಸುವುದಕ್ಕಿಂತ ಸಾಮಾನ್ಯ ಬೋಗಿಗಳ ಸಂಖ್ಯೆ ಹೆಚ್ಚಿಸಲು ರೈಲ್ವೇ ಇಲಾಖೆ ಮುಂದಾಗಿದೆ. ಮಾಸಾಂ­­ತ್ಯದ ಒಳಗಾಗಿ 1,000 ಸಾಮಾನ್ಯ ಬೋಗಿಗಳನ್ನು ಸೇರ್ಪಡೆ ಮಾಡಲು ಗುರಿ ಹಾಕಿಕೊಳ್ಳಲಾಗಿದೆ ಎಂದು ರೈಲ್ವೇ ಸಚಿವ ಅಶ್ವಿ‌ನಿ ವೈಷ್ಣವ್‌ ತಿಳಿಸಿದ್ದಾರೆ.

ಲೋಕಸಭೆಯಲ್ಲಿ ಮಾತನಾಡಿದ ಅವರು, ಪ್ರತೀ ಟಿಕೆಟ್‌ ಮೇಲೆ ಶೇ.46ರಷ್ಟು ರಿಯಾ­ಯಿ­ತಿಯೊಂದಿಗೆ ತನ್ನ ಎಲ್ಲಾ  ವರ್ಗದ ಪ್ರಯಾಣಿಕರಿಗೆ ಪ್ರತಿವರ್ಷ ಒಟ್ಟು 56,993 ಕೋಟಿ ರೂ.ಗಳ ಸಬ್ಸಿಡಿ ನೀಡುತ್ತಿದೆ. ಪ್ರತೀ ರೈಲ್ವೇ ಟಿಕೆಟ್‌ನ ಬೆಲೆ 100 ರೂ.ಗಳಾಗಿದ್ದರೆ, 54 ರೂ. ಪಡೆಯಲಾಗುತ್ತಿದೆ ಎಂದರು.