Railway; 5 ವರ್ಷದಲ್ಲಿ 200 ರೈಲು ಅಪಘಾ*ತಗಳು, 351 ಮಂದಿ ಸಾ*ವು: ವರದಿ

ಹೊಸದಿಲ್ಲಿ: ಭಾರತೀಯ ರೈಲ್ವೇಯ 17 ವಲಯ ಗಳಲ್ಲಿ ಕಳೆದ 5 ವರ್ಷಗಳಲ್ಲಿ ಸಂಭವಿಸಿದ 200 ರೈಲು ಅಪಘಾತಗಳಲ್ಲಿ ಒಟ್ಟು 351 ಜನ ಮೃತ ಪಟ್ಟಿದ್ದು, 970 ಜನರು ಗಾಯಗೊಂಡಿದ್ದಾರೆ ಎಂದು ಭಾರತೀಯ ರೈಲ್ವೆ ಮಾಹಿತಿ ನೀಡಿದೆ. ಮಾಹಿತಿ ಹಕ್ಕು ಕಾಯ್ದೆಯಡಿ ಸಲ್ಲಿಕೆಯಾಗಿದ್ದ ಅರ್ಜಿಯಲ್ಲಿ ಈ ಮಾಹಿತಿ ಬಹಿರಂಗವಾಗಿದೆ. ಈ ಪೈಕಿ ಆಗ್ನೇಯ ವಲಯವೊಂದರಲ್ಲೇ 10 ಅಪಘಾತ ಗಳು ಸಂಭವಿಸಿದ್ದು, 297 ಜನರು ಮೃತಪಟ್ಟಿದ್ದಾರೆ. ಅಲ್ಲದೆ ಈ ಅವಧಿಯಲ್ಲಿ ದಕ್ಷಿಣ, ಕೊಂಕಣ, ಈಶಾನ್ಯ ಮತ್ತು ನೈಋತ್ಯ ರೈಲ್ವೇ ವಲಯಗಳಲ್ಲಿ ಯಾವುದೇ ಸಾವು ನೋವು ಸಂಭವಿಸಿಲ್ಲ. ರೈಲ್ವೇ ಸಚಿವ ಅಶ್ವಿ‌ನಿ ವೈಷ್ಣವ್‌ ಬುಧವಾರ ಮಾತನಾಡಿದ್ದ ವೇಳೆ 10 ವರ್ಷಗಳಲ್ಲಿ 171 ರೈಲು ಅಪಘಾತಗಳು ನಡೆದಿದ್ದವು ಎಂದು ಹೇಳಿದ್ದರು.