Chess; ಲಿರೆನ್‌ ವಿರುದ್ಧ ಗೆದ್ದ  ಆರ್‌. ಪ್ರಜ್ಞಾನಂದ

ಸ್ಟಾವಂಜರ್‌ (ನಾರ್ವೆ): ನಾರ್ವೆ ಚೆಸ್‌ ಟೂರ್ನಿಯ 7ನೇ ಸುತ್ತಿನಲ್ಲಿ ಪ್ರಜ್ಞಾನಂದ ವಿಶ್ವ ಚಾಂಪಿಯನ್‌, ಚೀನದ ಡಿಂಗ್‌ ಲಿರೆನ್‌ ವಿರುದ್ಧ ಜಯ ಗಳಿಸಿದ್ದಾರೆ. ಆದರೆ ಈ ಗೆಲುವಿನ ಬಳಿಕವೂ ಅವರು 11 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿದ್ದಾರೆ.

13 ಅಂಕ ಗಳಿಸಿರುವ ನಾರ್ವೆಯ ಮ್ಯಾಗ್ನಸ್‌ ಕಾರ್ಲ್ಸನ್‌ ಪ್ರಥಮ ಸ್ಥಾನದಲ್ಲಿ, 12.5 ಅಂಕ ಗಳಿಸಿರುವ ಅಮೆರಿಕದ ಹಿಕಾರು ನಕಮುರ ದ್ವಿತೀಯ ಸ್ಥಾನದಲ್ಲಿದ್ದಾರೆ.

ಮಹಿಳಾ ವಿಭಾಗದ 7ನೇ ಸುತ್ತಿನಲ್ಲಿ ಆರ್‌. ವೈಶಾಲಿ, ಭಾರತದ ಕೊನೆರು ಹಂಪಿ ವಿರುದ್ಧ ಸೋತು 3ನೇ ಸ್ಥಾನದಲ್ಲಿ ಉಳಿದಿದ್ದಾರೆ.