ರಾಣಿ ರಾಮ್‌ಪಾಲ್‌ಗೆ ವರ್ಷದ ವಿಶ್ವ ಆ್ಯತ್ಲೀಟ್‌ ಗೌರವ

ಹೊಸದಿಲ್ಲಿ: ಭಾರತದ ವನಿತಾ ಹಾಕಿ ತಂಡದ ನಾಯಕಿ ರಾಣಿ ರಾಮ್‌ಪಾಲ್‌ “ವರ್ಲ್ಡ್ ಗೇಮ್ಸ್‌ ಆ್ಯತ್ಲೀಟ್‌ ಆಫ್ ದಿ ಇಯರ್‌’ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಗುರುವಾರ ಈ ಪ್ರಶಸ್ತಿಯನ್ನು ಘೋಷಿಸಲಾಯಿತು. ಮೊದಲ ಬಾರಿಗೆ ಈ ಪ್ರತಿಷ್ಠಿತ ಗೌರವ ಹಾಕಿ ಆಟಗಾರ್ತಿಯೊಬ್ಬರ ಪಾಲಾಗಿರುವುದು ವಿಶೇಷ.

ಕಳೆದ 20 ದಿನಗಳಿಂದ ವಿಶ್ವಾದ್ಯಂತ ನಡೆದ ಕ್ರೀಡಾಪ್ರೇಮಿಗಳ ಆನ್‌ಲೈನ್‌ ಮತಗಳನ್ನು ಪರಿಗಣಿಸಿ ಈ ಆಯ್ಕೆ ಮಾಡಲಾಯಿತು. ರಾಣಿ ರಾಮ್‌ಪಾಲ್‌ ಸರ್ವಾಧಿಕ 1,99,477 ಮತ ಪಡೆದರು. ಭಾರತ ಕಳೆದ ವರ್ಷ ರಾಣಿ ನಾಯಕತ್ವದಲ್ಲೇ ಎಫ್ಐಎಚ್‌ ಸೀರಿಸ್‌ ಫೈನಲ್ಸ್‌ ಪ್ರಶಸ್ತಿ ಗೆದ್ದಿತ್ತು. ರಾಣಿ ಕೂಟದ ಆಟಗಾರ್ತಿಯಾಗಿ ಮೂಡಿಬಂದಿದ್ದರು.