“ತೇಜಸ್‌’ನಲ್ಲಿ “ಪೈಥಾನ್‌-5′ಕ್ಷಿಪಣಿ ಅಳವಡಿಸಲು ಅನುಮತಿ

ಹೊಸದಿಲ್ಲಿ: ದೇಶೀಯವಾಗಿಯೇ ಅಭಿವೃದ್ಧಿಪಡಿಸಲಾಗಿರುವ ಹಗುರ ಯುದ್ಧ ವಿಮಾನ, “ತೇಜಸ್‌’ನಲ್ಲಿ “ಪೈಥಾನ್‌-5′ ಕ್ಷಿಪಣಿ ಅಳವಡಿಸಲು ಅನುಮತಿ ನೀಡಲಾಗಿದೆ. ಅದಕ್ಕಿಂತ ಮೊದಲು ರಕ್ಷಣ ಅಭಿವೃದ್ಧಿ ಮತ್ತು ಸಂಶೋಧನ ಸಂಸ್ಥೆ (ಡಿಆರ್‌ಡಿಒ) “ಪೈಥಾನ್‌-5′ ಕ್ಷಿಪಣಿಯನ್ನು ವಿವಿಧ ರೀತಿಯ ಪರೀಕ್ಷೆಗೆ ಒಳ ಪಡಿಸಿದೆ.

ತೇಜಸ್‌ನಲ್ಲಿ ಈಗಾಗಲೇ ಅಳವಡಿಸಲಾಗಿರುವ “ಡರ್ಬಿ ಬಿಯಾಂಡ್‌ ವಿಷ್ಯುವಲ್‌ ರೇಂಜ್‌’ (ಬಿವಿಆರ್‌) ಕ್ಷಿಪಣಿ ಗಿಂತ ಹೆಚ್ಚು ಕ್ಷಮತೆಯಿಂದ ಕೂಡಿದೆಯೇ ಎಂದು ಪರಿಶೀಲಿಸಲಾಯಿತು. ಮಂಗಳವಾರ ಗೋವಾದಲ್ಲಿ ಈ ಪರೀಕ್ಷೆಗಳು ನಡೆದಿವೆ ಎಂದು ಡಿಆರ್‌ಡಿಒ ತಿಳಿಸಿದೆ. ಡರ್ಬಿ ಮತ್ತು ಪೈಥಾನ್‌ ಕ್ಷಿಪಣಿಗಳು ಶೇ.100 ಕರಾರುವಾಕ್ಕಾಗಿ ಗುರಿ ಛೇದಿಸುವಲ್ಲಿ ಸಫ‌ಲವಾಗಿವೆ. ಯುದ್ಧ ವಿಮಾನದಿಂದ ಮತ್ತೂಂದು ವಿಮಾನಗಳನ್ನು ಹೊಡೆದು ಉರುಳಿಸಲು ಅವುಗಳನ್ನು ಬಳಕೆ ಮಾಡಲಾಗುತ್ತದೆ.

ಗೋವಾದಲ್ಲಿ ಅಂತಿಮ ಪರೀಕ್ಷೆ ನಡೆಸುವ ಮೊದಲು ಬೆಂಗಳೂರಿನಲ್ಲಿ ಏವಿಯಾನಿಕ್ಸ್‌, ಫೈರ್‌- ಕಂಟ್ರೋಲ್‌ ರಾಡಾರ್‌, ಮಿಸೈಲ್‌ ವೆಪನ್‌ ಡೆಲಿವರಿ ಸಿಸ್ಟಮ್‌ ಮತ್ತು ಫ್ಲೈಟ್‌ ಕಂಟ್ರೋಲ್‌ ಸಿಸ್ಟಮ್‌ ಪರೀಕ್ಷೆಗಳಿಗೆ ಪೈಥಾನ್‌-5 ಅನ್ನು ಒಳಪಡಿಸಲಾಗಿತ್ತು. ಐಎಎಫ್ ವಿಮಾನಗಳು ಕ್ಷಿಪಣಿಯನ್ನು ಹೊತ್ತೂಯ್ದು “ತೇಜಸ್‌’ ವಿಮಾನಕ್ಕೆ ಪೂರೈಕೆ ಮಾಡಿವೆ. ನ್ಯಾಶ‌ನಲ್‌ ಫ್ಲೈಟ್‌ ಟೆಸ್ಟ್‌ ಸೆಂಟರ್‌ನ ಪೈಲಟ್‌ಗಳು ಅದಕ್ಕೆ ನೆರವು ನೀಡಿದ್ದಾರೆ.

ಏರೋನಾಟಿಕಲ್‌ ಡೆವಲಪ್‌ಮೆಂಟ್‌ ಏಜೆನ್ಸಿ ಮತ್ತು ಹಿಂದುಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌ನ‌ ವಿಜ್ಞಾನಿಗಳು ಜಂಟಿಯಾಗಿ ಪೈಥಾನ್‌ ಅನ್ನು ಅಭಿವೃದ್ಧಿಪಡಿಸಿವೆ. ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌ ಈ ಸಾಧನೆ ಮಾಡಿದ ಡಿಆರ್‌ಡಿಒ, ಏಡಿಎ, ಐಎಎಫ್, ಎಚ್‌ಎಎಲ್‌ಗೆ ಅಭಿನಂದನೆ ಸಲ್ಲಿಸಿದ್ದಾರೆ.