ಹೈದರಾಬಾದ್: ವರ್ಷದ ಬಿಗೆಸ್ಟ್‌ ಪ್ಯಾನ್‌ ಇಂಡಿಯಾ ʼಪುಷ್ಪ-2ʼ(Pushpa 2) ಸಿನಿಮಾದ ರಿಲೀಸ್‌ ಡೇಟ್‌ ಅನೌನ್ಸ್ ಆದ ದಿನದಿಂದ ಸಖತ್‌ ಸದ್ದು ಮಾಡುತ್ತಿದೆ.
ಅಲ್ಲು ಅರ್ಜುನ್ (Allu Arjun) ʼಪುಷ್ಪರಾಜ್‌ʼ ಆಗಿ ಮತ್ತೆ ಸ್ಕ್ರೀನ್‌ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾದ ಹಾಡುಗಳು ಈಗಾಗಲೇ ಟಾಲಿವುಡ್‌ನಲ್ಲಿ ಧೂಳ್‌ ಎಬ್ಬಿಸಿದೆ. ʼಪುಷ್ಪʼ ಸಿನಿಮಾದಲ್ಲಿ ʼಊ ಅಂಟವಾʼ ಹಾಡು ಬೇರೆಯದ್ದೇ ರೀತಿಯ ಹವಾ ಕ್ರಿಯೇಟ್‌ ಮಾಡಿತ್ತು. ʼಪುಷ್ಪ-2ʼ ನಲ್ಲೂ ಇದೇ ರೀತಿಯ ಹಾಡು ಇರಲಿದೆ ಎನ್ನಲಾಗುತ್ತಿದೆ.
ಆದರೆ ʼಪುಷ್ಪ-2ʼ ಸ್ಪೆಷೆಲ್‌ ಹಾಡಿಗೆ ಹೆಜ್ಜೆ ಹಾಕುವ ನಟಿಯರ ಹೆಸರು ದಿನಕಳೆದಂತೆ ಹೆಚ್ಚಾಗುತ್ತಿದೆ. ʼಅನಿಮಲ್ʼ ನಟಿ ತೃಪ್ತಿ ದಿಮ್ರಿ (Tripti Dimri) ಐಟಂ ಸಾಂಗ್‌ನಲ್ಲಿ ಹೆಜ್ಜೆ ಹಾಕುತ್ತಾರೆ ಎಂದು ಮೊದಲು ವರದಿಯಾಗಿತ್ತು.
ಇದಾದ ಬಳಿಕ ‘ಸ್ತ್ರೀʼ ನಟಿ ಶ್ರದ್ಧಾ ಕಪೂರ್‌ (Shraddha Kapoor) ಐಟಂ ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ ಎನ್ನಲಾಗಿತ್ತು. ಆದರೆ ನಟಿಯ ಸಂಬಳ, ಡೇಟ್‌ ಹೊಂದಿಕೆಯಾಗದ ಕಾರಣ ಅವರನ್ನು ಕೈಬಿಡಲಾಗಿದೆ ಎನ್ನಲಾಗಿದೆ.
ಇದೀಗ ಈ ಪಟ್ಟಿಯಲ್ಲಿ ಮತ್ತಿಬ್ಬರ ಹೆಸರು ಕೇಳಿಬರುತ್ತಿದೆ. ಸೌತ್‌ ಸಿನಿಲೋಕದಲ್ಲಿ ಈಗಾಗಲೇ ಛಾಪು ಮೂಡಿಸಿರುವ ಕನ್ನಡದ ಶ್ರೀಲೀಲಾ (Sreeleela) ಅಲ್ಲು ಅರ್ಜುನ್ ಜತೆ ಸ್ಟೆಪ್‌ ಹಾಕಲಿದ್ದಾರೆ ಎಂದು ʼಗುಲ್ಟೆʼ ವರದಿ ಮಾಡಿದೆ.
ಇದರೊಂದಿಗೆ ಈ ಹಾಡಿನಲ್ಲಿ ನಟಿ ಸಮಂತಾ (Samantha Ruth Prabhu) ಅವರು ಸಹ ಬಂದು ಹೋಗಲಿದ್ದಾರೆ ಎಂದು ವರದಿ ತಿಳಿಸಿದೆ.
ಚಿತ್ರತಂಡದಿಂದ ಈ ಬಗ್ಗೆ ಅಧಿಕೃತ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ. ʼಪುಷ್ಪ-2ʼ ಸಿನಿಮಾದಲ್ಲಿ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಾಹದ್‌ ಫಾಸಿಲ್‌, ಸುನೀಲ್‌, ಜಗದೀಶ್ ಪ್ರತಾಪ್ ಭಂಡಾರಿ, ಜಗಪತಿ ಬಾಬು ಮತ್ತು ಪ್ರಕಾಶ್ ರಾಜ್ ಮುಂತಾದವರು ನಟಿಸಿದ್ದಾರೆ.
