ಹಾಕಿ ದಂತಕತೆ ಬಲ್ಬೀರ್‌ಗೆ ಭಾರತರತ್ನ ನೀಡಲು ಆಗ್ರಹ

ಚಂಡೀಗಢ: ಭಾರತದ ಹಾಕಿ ದಂತಕತೆ, 95 ವರ್ಷದ ಬಲ್ಬೀರ್‌ ಸಿಂಗ್‌ ಅವರಿಗೆ ಭಾರತ ರತ್ನ ನೀಡಿ ಎಂದು ಪಂಜಾಬ್‌ ಸಿಎಂ ಅಮರೀಂದರ್‌ ಸಿಂಗ್‌ ಪ್ರಧಾನಿ ಮೋದಿಗೆ ಪತ್ರ ಬರೆದಿದ್ದಾರೆ.

ಬಲ್ಬೀರ್‌ ಸಿಂಗ್‌, 3 ಬಾರಿ ಒಲಿಂಪಿಕ್ಸ್‌ ಚಿನ್ನದ ಪದಕ ವಿಜೇತ ಭಾರತ ತಂಡದ ಸದಸ್ಯರಾಗಿದ್ದರು. ಒಮ್ಮೆ ನಾಯಕನೂ ಆಗಿದ್ದರು (1956).

‘ನಾನು ಮುಖ್ಯವಾದ ಸಂಗತಿ ಬಗ್ಗೆ ನಿಮ್ಮ ಗಮನ ಸೆಳೆಯಲು ಬಯಸುತ್ತೇನೆ. ಭಾರತದ ಗೌರವಯುತ ಹಾಗೂ ಅದ್ಭುತ ಕ್ರೀಡಾಪಟುಗಳಲ್ಲಿ ಒರ್ವರಾದ ಬಲ್ಬೀರ್‌ ಸಿಂಗ್‌ ಅವರಿಗೆ ಭಾರತರತ್ನ ನೀಡಿ ಎನ್ನುವುದು ನನ್ನ ಆಗ್ರಹ. ಅವರು ಹಾಕಿಯಲ್ಲಿ ಅಸಾಮಾನ್ಯ ಸಾಧನೆ ಮಾಡಿದ್ದಾರೆ. ಅವರ ಸಾಧನೆ ಗೌರವಿಸಿ ಈಗಾಗಲೇ ಪದ್ಮಶ್ರೀ ನೀಡಲಾಗಿದೆ’ ಎಂದು ಅಮರೀಂದರ್‌ ಪತ್ರದಲ್ಲಿ ತಿಳಿಸಿದ್ದಾರೆ.