ಜೂ.30ರೊಳಗೆ ಪಂಜಾಬ್‌ನ ಎಲ್ಲ ನಗರ, ಪಟ್ಟಣಗಳು ಬಯಲು ಶೌಚ ಮುಕ್ತ

ಚಂಡೀಗಢ : ಪಂಜಾಬಿನ ಎಲ್ಲ ನಗರಗಳು ಮತ್ತು ಪಟ್ಟಣಗಳು ಇದೇ ಜೂನ್‌ 30ರ ಒಳಗಾಗಿ ಬಯಲು ಶೌಚ ಮುಕ್ತ ಎಂಬ ಹೆಗ್ಗಳಿಕೆಗೆ ಪ್ರಾತವಾಗಲಿವೆ ಎಂದು ಅಧಿಕೃತ ವಕ್ತರರೋರ್ವರು ತಿಳಿಸಿದ್ದಾರೆ. 

ಪಂಬಾಬಿನಲ್ಲಿ ಈ ವರೆಗೆ 120 ನಗರಗಳು ಬಯಲು ಶೌಚ ಮಕ್ತ ಸ್ಥಾನಮಾನ ಗಳಿಸಿವೆ. ಇನ್ನು ಬಾಕಿ ಇರುವ 47 ನಗರಗಳ ಮತ್ತು ಪಟ್ಟಣಗಳು ಇದೇ ಜೂನ್‌ 30ರ ಒಳಗಾಗಿ ಆ ಸ್ಥಾನಮಾನ ಪಡೆಯಲಿವೆ ಎಂದು ವಕ್ತಾರ ಹೇಳಿದರು. 

ಈ ಹೆಗ್ಗಳಿಕೆಯ ಸ್ಥಾನಮಾನ ಪಡೆಯುವ ಗುರಿಯನ್ನು ಸಾಧಿಸಲು ಸರಕಾರ 40.82 ಕೋಟಿ ರೂ.ಗಳನ್ನು ವಿನಿಯೋಗಿಸಿದೆ ಎಂದವರು ಹೇಳಿದರು.