Advertisement
ಆದರೆ ಕೊರೊನಾ ಭೀತಿಯಿಂದಾಗಿ ಈ ಬಾರಿ ಅಭಿಮಾನಿಗಳ ಜೊತೆ, ಸಾರ್ವಜನಿಕವಾಗಿ ಹುಟ್ಟುಹಬ್ಬ ಆಚರಿಸದಿರುವ ನಿರ್ಧಾರಕ್ಕೆ ಪುನೀತ್‌ ಬಂದಿದ್ದರಿಂದ, ಕೊನೆಕ್ಷಣದಲ್ಲಿ ಪುನೀತ್‌ ರಾಜಕುಮಾರ್‌ ಅದ್ಧೂರಿ ಬರ್ತ್‌ಡೇ ಆಚರಣೆಗೆ ಬ್ರೇಕ್‌ ಬಿದ್ದಿತ್ತು. ಇನ್ನು ಕೆಲ ದಿನಗಳ ಹಿಂದಷ್ಟೇ ಪುನೀತ್‌ ರಾಜಕುಮಾರ್‌ ವಿಡಿಯೋ ಮೂಲಕ ಈ ಬಾರಿ ಹುಟ್ಟುಹಬ್ಬ ಆಚರಣೆ ಬೇಡ. ಮನೆ ಹತ್ತಿರ ಯಾರೂ ಬರಬೇಡಿ ಎಂದು ಮನವಿ ಮಾಡಿಕೊಂಡಿದ್ದಕ್ಕೆ ಬಹುತೇಕ ಅಭಿಮಾನಿಗಳು ಸ್ಪಂದಿಸಿ, ಸೋಶಿಯಲ್‌ ಮೀಡಿಯಾಗಳಲ್ಲಿ ಶುಭಕೋರಿದ್ದು ವಿಶೇಷವಾಗಿತ್ತು.
Related Articles
Advertisement
ಸುಮಾರು 1.39 ನಿಮಿಷದ ಟೀಸರ್‌ನಲ್ಲಿ “ಗಂಡಸ್ತನ, ಛರ್ಬಿ, ಮೀಟರ್‌, ಮಾರ್ಕೇಟ್‌ ಇವೆಲ್ಲ ಇರೋನೊಬ್ಬ ಬೇಕು? ಸಿಗ್ತಾನಾ..’ ಎಂದು ಹೇಳುವ “ಡಾಲಿ’ ಧನಂಜಯ್‌ ಡೈಲಾಗ್‌ನೊಂದಿಗೆ ಟೀಸರ್‌ ತೆರೆದುಕೊಳ್ಳುತ್ತದೆ. “ಸೀಟ್ಗಾಗಿ ಹೊಡೆದಾಡೋನು ಡಾನ್‌, ಅದರ ಮೇಲೆ ಕುಳಿತುಕೊಳ್ಳೋನು…’, “ಖದರ್‌ ಇಲ್ಲದ ಕಡೆ ನಮ್‌ ಹುಡುಗರೇ ಓಡಾಡೊಲ್ಲ, ಇನ್ನು ನಾನು ಇರ್ತೀನಾ’, “ನಾವ್‌ ನಂಬಿಕೆ ಕಳೆದುಕೊಂಡಿಲ್ಲ, ಕಳೆದ್ಕೊಳ್ಳೋದೂ ಇಲ್ಲ’,
“ಬ್ಯಾಟು-ಬಾಲ್‌ ಇದೆ ಅಂಥ ಫೀಲ್ಡಿಗೆ ಇಳಿದೋನಲ್ಲ ನಾನು, ಹೊಡಿತೀವಿ ಅಂತ ಕಾನ್ಫಿಡೆನ್ಸ್‌ ಇರೋದ್ರಿಂದಲೇ ಫೀಲ್ಡಿಗೆ ಇಳಿತಿರೋದು’ ಅನ್ನೋ ಕಿಕ್‌ ಕೊಡುವ ಡೈಲಾಗ್ಸ್‌ ಮಾಸ್‌ ಆಡಿಯನ್ಸ್‌ಗೆ ಅದರಲ್ಲೂ ಪುನೀತ್‌ ಫ್ಯಾನ್ಸ್‌ಗೆ ಭರ್ಜರಿಯಾಗಿ ಖುಷಿ ಕೊಡುವಂತಿವೆ. ಇನ್ನು ಈ ಟೀಸರ್‌ನಲ್ಲಿ ಪುನೀತ್‌ ರಾಜಕುಮಾರ್‌, ಡಾಲಿ ಧನಂಜಯ್‌, ನಾಯಕಿ ಸಯೇಷಾ ಸೈಗಲ್‌ ಕಾಣಿಸಿಕೊಂಡಿದ್ದು, ಚಿತ್ರದ ಬಗ್ಗೆ ಒಂದಷ್ಟು ನಿರೀಕ್ಷೆ ಕುತೂಹಲ ಮೂಡಿಸುವಲ್ಲಿ ಟೀಸರ್‌ ಯಶಸ್ವಿಯಾಗಿದೆ.