ಮಾವಿನ ಹಣ್ಣು 31 ಸಾವಿರಕ್ಕೆ ಮಾರಾಟ!

ಪುಣೆ: ಶನಿವಾರ ಪುಣೆಯ ಮಾರುಕಟ್ಟೆಯಲ್ಲಿ ಒಂದು ಬುಟ್ಟಿ ಮಾವಿನ ಹಣ್ಣು ಬರೋಬ್ಬರಿ 31 ಸಾವಿರ ರೂ.ಗಳಿಗೆ ಮಾರಾಟವಾಗಿದೆ! ಅಚ್ಚರಿಯಾದರೂ ಇದು ಸತ್ಯ.

ದೇವಗಡದ ರತ್ನಗಿರಿಯಿಂದ ಎಪಿಎಂಸಿ ಮಾರುಕಟ್ಟೆಗೆ ಹ್ಯಾಪಸ್‌ ಮಾವಿನ ಹಣ್ಣು ಬಂದಿಳಿಯುತ್ತಿದ್ದಂತೆ, ವ್ಯಾಪಾರಿಗಳು ಅದಕ್ಕೆ ಹೂವಿನ ಹಾರ ಹಾಕಿ “ಈ ಬಾರಿ ಒಳ್ಳೆಯ ವ್ಯಾಪಾರವಾಗಲಿ’ ಎಂದು ಪೂಜೆಯನ್ನೂ ಮಾಡಿದ್ದಾರೆ.

ನಂತರ ಹರಾಜು ಆರಂಭವಾಗಿದ್ದು, 5 ಸಾವಿರಕ್ಕೆ ಆರಂಭವಾದ ಹರಾಜು, 31 ಸಾವಿರ ರೂ.ನಲ್ಲಿ ಅಂತ್ಯಗೊಂಡಿದೆ. ಕಳೆದ 50 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಇಷ್ಟೊಂದು ಮೊತ್ತಕ್ಕೆ ಮಾವಿನ ಹಣ್ಣು ಮಾರಾಟವಾಗಿದೆ ಎಂದು ವ್ಯಾಪಾರಿಗಳು ಹೇಳಿದ್ದಾರೆ.