ಪಿಯುಸಿ: ಆಳ್ವಾಸ್‌ ಶೇ. 98.21 ಫಲಿತಾಂಶ

ಮೂಡುಬಿದಿರೆ: ದ್ವಿತೀಯ ಪಿಯು ಪರೀಕ್ಷೆಗೆ ಹಾಜರಾದ ಆಳ್ವಾಸ್‌ ಪ.ಪೂ. ಕಾಲೇಜಿನ 5,051 ವಿದ್ಯಾರ್ಥಿಗಳ ಪೈಕಿ 4,961 ಮಂದಿ ಉತ್ತೀರ್ಣರಾಗಿ ಶೇ. 98.21 ಫಲಿತಾಂಶ ಲಭಿಸಿದೆ.

ವಾಣಿಜ್ಯ ವಿಭಾಗದಲ್ಲಿ ಒಲ್ವಿಟಾ ಅನ್ಸಿಲಾ ಡಿ’ಸೋಜಾ 596 ಅಂಕ (ಶೇ. 99.33) ಅಂಕ ಗಳಿಸಿ ರಾಜ್ಯ ಮಟ್ಟದಲ್ಲಿ ಮೊದಲಿಗರಾಗಿದ್ದಾರೆ. ಮೂರೂ ವಿಭಾಗಗಳಲ್ಲಿ ವಿಶಿಷ್ಟ ಶ್ರೇಣಿಯಲ್ಲಿ 2,184 ಮಂದಿ ಸಹಿತ ಒಟ್ಟು 2,557 ಮಂದಿ ಪ್ರಥಮ, 157 ಮಂದಿ ದ್ವಿತೀಯ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ ಎಂದು ಆಳ್ವಾಸ್‌ ಎಜುಕೇಶನ್‌ ಫೌಂಡೇಶನ್‌ ಅಧ್ಯಕ್ಷ ಡಾಣ ಎಂ. ಮೋಹನ ಆಳ್ವ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

ವಾಣಿಜ್ಯ ವಿಭಾಗದ ಆಕಾಶ್‌ ಎಂ. ನಾಯರಿ 593, ವಿಷ್ಮಾ ಹೆಗ್ಡೆ 592, ಸುದೀಪ್ತಿ ಪಿ. 591, ಪಲ್ಲವಿ ಎಚ್‌.ಆರ್‌ 586, ಅನುಷಾ ಪಿ.ಎಲ್‌. 588, ಗುರುಪ್ರಸಾದ್‌ ಹೆಗ್ಡೆ 589, ಸುಬ್ರಹ್ಮಣ್ಯ ಬಿ.ಎಂ. 588 ಅಂಕ ಗಳಿಸಿದ್ದಾರೆ.

ವಿಜ್ಞಾನ ವಿಭಾಗದಲ್ಲಿ ದೀಪಿಕಾ ಎಚ್‌.ಎಸ್‌., ದರ್ಶನ್‌, ಸಮರ್ಥ್, ಶ್ರುತಿ ಪಿ.ಎಸ್‌. ಮೂವರೂ 590 ಅಂಕ, ನಂದಿನಿ ಎಸ್‌.ಎಚ್‌. 589 ಹಾಗೂ ಸಿಂಚನಾ ಉಡುಪ, ಸ್ನೇಹಾ ಕೆ. ಶೆಟ್ಟಿ, ಸೋನಿಯಾ ಪಿ., ಅರುಣ್‌ ಕೆ.ಎಂ., ನಿವೇದಿತಾ ರಘುನಾಥ್‌ ತಲಾ 588 ಅಂಕ ಗಳಿಸಿದ್ದಾರೆ.

ವಿಜ್ಞಾನ ವಿಭಾಗದಲ್ಲಿ ಶೇ. 98.16 ವಾಣಿಜ್ಯ ವಿಭಾಗದಲ್ಲಿ ಶೇ. 98.53 ಹಾಗೂ ಕಲಾ ವಿಭಾಗದಲ್ಲಿ ಶೇ. 100 ಫಲಿತಾಂಶ ಲಭಿಸಿದೆ.

ಕ್ರೀಡಾ ದತ್ತು ಸ್ವೀಕಾರದಲ್ಲಿ 97 ಮಂದಿ ಕ್ರೀಡಾಳುಗಳ ಪೈಕಿ 96 ಮಂದಿ ಪಾಸಾಗಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಪ್ರಾಂಶುಪಾಲ ಪ್ರೊಣ ರಮೇಶ್‌ ಶೆಟ್ಟಿ, ವಾಣಿಜ್ಯ ವಿಭಾಗದ ಡೀನ್‌ ಪ್ರಶಾಂತ್‌, ಸದಾಕತ್ತ್, ಅಶ್ವಥ್‌, ವೆಂಕಟೇಶ್‌ ನಾಯಕ್‌, ಗಣನಾಥ್‌, ವೇಣುಗೋಪಾಲ ಶೆಟ್ಟಿ, ಪಿಆರ್‌ಒ ಡಾಣ ಪದ್ಮನಾಭ ಶೆಣೈ ಉಪಸ್ಥಿತರಿದ್ದರು.

ಅಂಧ ವಿದ್ಯಾರ್ಥಿ ಸಾಧನೆ
ಸಂಪೂರ್ಣ ಅಂಧ ವಿದ್ಯಾರ್ಥಿ ಕಲಾ ವಿಭಾಗದ ನಾಗರಾಜ ಸುತಾರ್‌ 548 (ಶೇ. 91.33) ಅಂಕ ಗಳಿಸಿದ್ದಾರೆ. ಅವರಿಗೆ ಇಂಗ್ಲಿಷ್‌ನಲ್ಲಿ 94, ಹಿಂದಿ 95, ಇತಿಹಾಸ 93, ಅರ್ಥಶಾಸ್ತ್ರ 82, ಸಮಾಜಶಾಸ್ತ್ರ 91, ರಾಜ್ಯಶಾಸ್ತ್ರದಲ್ಲಿ 93 ಅಂಕಗಳು ಲಭಿಸಿವೆ.