ಧರ್ಮಗುರು ಅವಹೇಳನ ಖಂಡಿಸಿ ಪ್ರತಿಭಟನೆ

ಹುಬ್ಬಳ್ಳಿ: ಅಜ್ಮೀರ ದರ್ಗಾದ ಹಜರತ್‌ ಖ್ವಾಜಾ ಮೈನುದ್ದೀನ್‌ ಚಿಸ್ತಿ(ಆರ್‌ಎ) ಅವರ ಬಗ್ಗೆ ಜಿತೇಂದ್ರ ಸರಸ್ವತಿ ಅವರು ಪ್ರಚೋದನಾಕಾರಿ ಹೇಳಿಕೆ ನೀಡಿದ್ದನ್ನು ಖಂಡಿಸಿ ಅಖೀಲ ಭಾರತೀಯ ಮಜಲಿಸ್‌-ಎ-ಇತ್ತೆಹಾದುಲ್‌ ಮುಸ್ಲಿಮೀನ್‌ (ಎಐಎಂಐಎಂ) ಧಾರವಾಡ ಜಿಲ್ಲಾ ಘಟಕ ಬುಧವಾರ ಇಲ್ಲಿನ ತಹಶೀಲ್ದಾರ್‌ ಕಚೇರಿ ಎದುರು ಪ್ರತಿಭಟಿಸಿತು.

ಪಕ್ಷದ ಜಿಲ್ಲಾಧ್ಯಕ್ಷ ರಾಜೇಸಾಬ್‌ ದರಗಾದ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಿದ ಕಾರ್ಯಕರ್ತರು, ಖ್ವಾಜಾ ಮೈನುದ್ದೀನ್‌ ಚಿಸ್ತಿ ಅವರು ದೇಶ-ವಿದೇಶಗಳಲ್ಲಿ ಎಲ್ಲ ಧರ್ಮದ ಅನುಯಾಯಿಗಳನ್ನು ಹೊಂದಿದ್ದಾರೆ. ಇಂಥವರ ಬಗ್ಗೆ ಜಿತೇಂದ್ರ ಸರಸ್ವತಿ ಅವರು ಅವಹೇಳನಕಾರಿ ಹೇಳಿಕೆ ಕೊಡುವ ಮೂಲಕ ದೇಶದಲ್ಲಿ ಶಾಂತಿ, ಸೌಹಾರ್ದತೆ ಕದಡಲು, ಕೋಮು ಸಾಮರಸ್ಯ ಹಾಳು ಮಾಡಲು, ಅಸಮಾನತೆ ಸೃಷ್ಟಿಸಲು ಹೊರಟಿದ್ದಾರೆ. ಅವರನ್ನು ತಕ್ಷಣ ದೇಶದ್ರೋಹಿ ಕಾಯ್ದೆಯಡಿ ಬಂಧಿಸಿ, ಕಾನೂನು ರೀತ್ಯ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.

ಇದನ್ನೂ ಓದಿ:ಉದ್ಯಮ ಶೀಲತೆಯಿಂದ ಅಭಿವೃದ್ಧಿ ಸಾಧ್ಯ

ತಹಶೀಲ್ದಾರ್‌ ಮೂಲಕ ರಾಷ್ಟ್ರಪತಿಗೆ ಮನವಿ ಸಲ್ಲಿಸಿ ನಂತರ ಜಿತೇಂದ್ರ ಸರಸ್ವತಿ ವಿರುದ್ಧ ಉಪನಗರ ಠಾಣೆಯಲ್ಲಿ ದೂರು ಕೊಟ್ಟರು. ಸಾದಿಕ್‌ ಬಾರೋದವಾಲೆ, ಡಾ| ವಿಜಯ ಗುಂಟ್ರಾಳ, ಇಮಿ¤ಯಾಜ ಬಿಳಿಪಸಾರ, ಗಂಗಾಧರ ದೊಡ್ಡಮನಿ, ಶರೀಫ್‌ ಮಸರಕಲ್ಲ, ನಾಗರಾಜ ಬೆಳಗುಂದಿ, ಫರೀದ ಬೆಂಗಳೂರಿ ಮೊದಲಾದವರಿದ್ದರು.