Protest: ಗೃಹ ಸಚಿವರ ಮನೆ ಮುಂದೆ ಧರಣಿ

ತುಮಕೂರು: ಹೇಮಾವತಿ ಎಕ್ಸ್‌ಪ್ರೆಸ್‌ ಲಿಂಕ್‌ ಕೆನಾಲ್‌ ವಿರೋಧಿಸಿ ಗೃಹ ಸಚಿವ ಡಾ| ಜಿ. ಪರಮೇಶ್ವರ್‌ ಅವರ ಗೊಲ್ಲಹಳ್ಳಿ ನಿವಾಸದೆದುರು ಧರಣಿಗೆ ಮುಂದಾದ ಮಾಜಿ ಸಚಿವ ಸೊಗಡು ಎಸ್‌. ಶಿವಣ್ಣ, ಶಾಸಕ ಎಂ.ಟಿ.ಕೃಷ್ಣಪ್ಪ, ಬಿ. ಸುರೇಶ ಗೌಡ, ಜಿಲ್ಲಾ ಜೆಡಿಎಸ್‌ ಅಧ್ಯಕ್ಷ ಆರ್‌.ಸಿ.ಆಂಜನಪ್ಪ ನೇತೃತ್ವದ ಹೋರಾಟಗಾರರನ್ನು ಬಂಧಿಸಿ ಬಿಡುಗಡೆಗೊಳಿಸಲಾಯಿತು.

ಸೊಗಡು ಶಿವಣ್ಣ ನೇತೃತ್ವದಲ್ಲಿ  ಪರಮೇಶ್ವರ್‌ ಮನೆ ಮುಂದೆ ಬೆಳಗ್ಗೆ ಧರಣಿ ನಡೆಸಲು ಸೇರಿದ್ದರು. ಈ ವೇಳೆ ಪೊಲೀಸರು ಅವರನ್ನು ಬಂಧಿಸಿ ನಗರದ ಡಿ.ಆರ್‌.ಗ್ರೌಂಡ್‌ ಬಳಿ ಕರೆತಂದರು. ಪೊಲೀಸರ ಕಣ್ತಪ್ಪಿಸಿ ಗೃಹ ಸಚಿವರ ಮನೆ ಮುಂದೆ ಶಾಸಕ ಬಿ.ಸುರೇಶ್‌ ಗೌಡ ಪ್ರತಿಭಟನೆಗೆ ಮುಂದಾದಾಗ ಅವರನ್ನೂ  ಬಂಧಿಸಲಾಯಿತು.