Shimoga ಪಾಲಿಕೆ ಆಯುಕ್ತರ ವಿರುದ್ದ ಪ್ರತಿಭಟನೆ; ಕಾರು ತಡೆದು ಹೈಡ್ರಾಮಾ

ಶಿವಮೊಗ್ಗ: ಮಹಾನಗರ ಪಾಲಿಕೆ ಆಯುಕ್ತರ ವಿರುದ್ದ ಕುವೆಂಪು ರಂಗಮಂದಿರದ ಎದುರು ಪ್ರತಿಭಟನೆ ನಡೆಸಲಾಗುತ್ತಿದೆ. ಪ್ರತಿಭಟನಾ ಸ್ಥಳದಲ್ಲಿ ಹೈಡ್ರಾಮ ನಡೆದಿದ್ದು, ಪಾಲಿಕೆ ಆಯುಕ್ತರ ಕಾರು ತಡೆದು ಪ್ರತಿಭಟನೆ ನಡೆಸಲಾಗಿದೆ.

ಆಶ್ರಯ ಮನೆಗಳ ಫಲಾನುಭವಿಗಳ ಆಯ್ಕೆ ಸಭೆ ರದ್ದುಗೊಳಿಸಿರುವುದನ್ನು ಖಂಡಿಸಿ ಪ್ರತಿಭಟನೆ ನಡೆಸಲಾಗುತ್ತಿದೆ. ಪಾಲಿಕೆ ಆಯುಕ್ತರ ಕಾರು ತಡೆದು ಪ್ರತಿಭಟನೆ ನಡೆಸಲಾಯಿತು. ಪ್ರತಿಭಟನಾಕಾರರು ಗೇಟ್ ಹಾಕಿ ಆಯುಕ್ತರ ಕಾರು ತಡೆ ಹಿಡಿದರು. ಆಶ್ರಯ ಮನೆ ಹಂಚಿಕೆ ಮಾಡುವರೆಗೆ ಕಾರು ಬಿಡಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಸ್ಥಳಕ್ಕೆ ದೌಡಾಯಿಸಿದ ಕೋಟೆ ಪೋಲಿಸರು ಹಾಗೂ ಕೆಎಸ್ಆರ್ಪಿ ಪೊಲೀಸರು ಪ್ರತಿಭಟನಾಕಾರರನ್ನು ಮನವೊಲಿಸುವ ಪ್ರಯತ್ನ ಮಾಡಿದರೂ ಅದಕ್ಕೆ ಬಗ್ಗಲಿಲ್ಲ. ಆಯುಕ್ತೆ ಕವಿತಾ ಯೋಗಪ್ಪನವರ್ ಕಾರು ಇಳಿದು ನಡೆದುಕೊಂಡು ಹೋಗಲು ಮುಂದಾದಾಗ ಗೇಟ್ ಗೆ ಅಡ್ಡ ನಿಂತು ಪ್ರತಿಭಟನಾಕಾರರು ತಡೆದರು. ಪ್ರತಿಭಟನಾಕಾರರನ್ನು ತಡೆಯಲು ಪೋಲಿಸರು ಮುಂದಾದರು.

ಗೇಟ್ ತೆಗೆಯಲು ಬಿಡದೆ ಹೈ ಡ್ರಾಮಾ ನಡೆದಿದ್ದು, ಕೊನೆಗೂ ಗೇಟ್ ತೆಗೆದು ಭದ್ರತೆಯಲ್ಲಿ ಪೊಲೀಸರು ಆಯುಕ್ತರನ್ನು ಕಳುಹಿಸಿಕೊಟ್ಟರು.