ಸಂಸದರ ವಿರುದ್ಧ ಅಪಪ್ರಚಾರ

ಶ್ರೀನಿವಾಸಪುರ: ಎಲ್ಲಾ ಜಾತಿ, ವರ್ಗಗಳನ್ನು ಸಮಾನವಾಗಿ ಕಾಣುವುದರ ಜೊತೆಗೆ ಒಕ್ಕಲಿಗ ಮುಖಂಡರನ್ನು ಮುಂದಿಕ್ಕಿಕೊಂಡು ಅಭಿವೃದಿಟಛಿ ಕೆಲಸ ಮಾಡು ತ್ತಿದ್ದರೂ ಕೆಲವು ಕಿಡಿಗೇಡಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂಸದ  ಎಸ್‌. ಮುನಿಸ್ವಾಮಿ ವಿರುದ್ಧ ಅಪಪ್ರಚಾರ ಮಾಡುತ್ತಿರುವುದು ಸರಿಯಲ್ಲ ಎಂದು ಬಿಜೆಪಿ ಜಿಲ್ಲಾ ಎಸ್ಸಿ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಶಿವಣ್ಣ ಹೇಳಿದರು.

ಪಟ್ಟಣದಲ್ಲಿ ಗುರುವಾರ ಕರೆದಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ,  ಕ್ಷೇತ್ರದ ಜನತೆ ಭೇದ ಮಾಡದೆ ಎಲ್ಲಾ  ಸಮುದಾಯದವರು ಸೇರಿ ಮುನಿಸ್ವಾಮಿ ಅವರನ್ನುಗೌರವದಿಂದ ಆಯ್ಕೆ ಮಾಡಿದ್ದಾರೆ. ಎಲ್ಲರನ್ನೂ ವಿಶ್ವಾಸಕ್ಕೆ ತೆಗೆದುಕೊಂಡು ಅಭಿವೃದಿ ಕಾರ್ಯಗಳನ್ನು ಮಾಡುತ್ತಿದ್ದಾರೆ ಎಂದು ಹೇಳಿದರು.  ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಯೋಜನೆಗಳನ್ನು ಜನರ ಬಳಿ ತೆಗೆದುಕೊಂಡು ಹೋಗಲು ಒಕ್ಕಲಿಗರ ಮುಖಂಡರನ್ನು ಮುಂದಿಕ್ಕಿಕೊಂಡು ಕೆಲಸ ಮಾಡಲಾಗುತ್ತಿದೆ.

ಈ ಕ್ಷೇತ್ರದಲ್ಲಿ ಅಧಿಕಾರ ಅನುಭವಿಸಿ 40 ವರ್ಷಗಳಿಂದ ಮಾಡದ  ಕೆಲಸಗಳನ್ನು ಸಂಸದರು ಮಾಡುತ್ತಿದ್ದಾರೆ ಎಂದು ತಿಳಿಸಿದರು. ಸಮಯ ವ್ಯರ್ಥ ಮಾಡದೇ ಜನರಿಗೆ ಹತ್ತಿರವಾಗಿ ಕೆಲಸ ಮಾಡುತ್ತಿದ್ದಾರೆ. ಕೆಲ ಕಿಡಿಗೇಡಿಗಳು ಸಂಸದರ ವ್ಯಕ್ತಿತ್ವ ತೇಜೋವಧೆ ಮಾಡಲು ವಿರೋಧ ಪಕ್ಷದವರ ಜೊತೆಗೂಡಿ  ಒಕ್ಕಲಿಗರು ಓಟು ಹಾಕಿಲ್ಲವೆಂದು ಸಂಸದರು ಹೇಳುತ್ತಿದ್ದಾರೆಂದು ಅಪಪ್ರಚಾರ ಮಾಡುತ್ತಿದ್ದಾರೆ.

ಇದು ಸತ್ಯಕ್ಕೆ ದೂರವಾಗಿದೆ. ಮುಂದುವರಿದ ಎಲ್ಲಾ ಸಮುದಾಯದವರನ್ನು ಗೌರವದಿಂದ ಕಾಣುತ್ತಿದ್ದಾರೆ ಎಂದು ಹೇಳಿದರು.  ಸುದ್ದಿಗೋಷ್ಠಿಯಲ್ಲಿ ವಕೀಲ ಬಂಗವಾದಿ ನಾಗರಾಜ್‌, ರಾಮಾಂಜಿ, ಸುರೇಶ ನಾಯಕ್‌, ಎಸ್‌.ಗಿರೀಶ್‌, ವೆಂಕಟೇಶ್‌, ಆನಂದನಾಯಕ್‌, ಮನೋಜ್‌ ಇತರರು ಉಪಸ್ಥಿತರಿದ್ದರು.