Advertisement
ನಾಯಕ ಪವನ್‌ ಸೆಹ್ರಾವತ್‌ ಭರ್ಜರಿ ಆಟವಾಡಿ ಬೆಂಗಳೂರು ಬುಲ್ಸ್‌ ಗೆಲುವಿನ ಹೀರೋ ಆಗಿ ಮೆರೆದಾಡಿದರು. 28 ರೈಡ್‌ಗಳ ಮೂಲಕ 18 ಅಂಕ ತಂದು ಕೊಟ್ಟರು. 4 ಬೋನಸ್‌ ಅಂಕಗಳೂ ಇದರಲ್ಲಿ ಸೇರಿವೆ. ಇವರನ್ನು ಹೊರತುಪಡಿಸಿದರೆ ದೀಪಕ್‌ ನರ್ವಾಲ್‌ ಅವರದೇ ಉತ್ತಮ ಸಾಧನೆ (4 ಅಂಕ).
ಪಾಟ್ನಾ ಪೈರೆಟ್ಸ್‌ ಹ್ಯಾಟ್ರಿಕ್‌ ಜಯದೊಂದಿಗೆ ತಮಿಳ್‌ ತಲೈವಾಸ್‌ ತಂಡವನ್ನು ಎದುರಿಸಲಿಳಿದಿತ್ತು. ಆದರೆ ಕೊನೆಯ ಹಂತದಲ್ಲಿ ಗೆಲುವನ್ನು ತಪ್ಪಿಸಿಕೊಂಡಿತು. ಇದು ಪಾಟ್ನಾ ದಾಖಲಿಸಿದ ಮೊದಲ ಟೈ ಫ‌ಲಿತಾಂಶ. ಹಾಗೆಯೇ ತಮಿಳ್‌ ತನ್ನ ಅಜೇಯ ಓಟವನ್ನು 5 ಪಂದ್ಯಗಳಿಗೆ ವಿಸ್ತರಿಸಿತು.
Related Articles
Advertisement
ಪಾಟ್ನಾ ಪರ ರೈಡರ್‌ಗಳಾದ ಮೋನು ಗೋಯತ್‌ (9 ಅಂಕ) ಮತ್ತು ಪ್ರಶಾಂತ್‌ ಕುಮಾರ್‌ (7 ಅಂಕ) ಅಮೋಘ ಪ್ರದರ್ಶನವಿತ್ತರು. ತಮಿಳ್‌ ತಂಡದ ಬದಲಿ ರೈಡರ್‌ ಆಗಿ ಬಂದ ಅಜಿಂಕ್ಯ ಪವಾರ್‌ ಮಿಂಚಿನ ಆಟವಾಡಿ 12 ಅಂಕ ಗಳಿಸಿ ಕೊಟ್ಟರು. ಜತೆಗೆ ಅತುಲ್‌ ಎಂ.ಎಸ್‌. (6 ಅಂಕ), ನಾಯಕ ಸುರ್ಜೀತ್‌ ಸಿಂಗ್‌ (4 ಅಂಕ) ಮತ್ತು ಆಲ್‌ರೌಂಡರ್‌ ಸಾಗರ್‌ ಕೃಷ್ಣ (3 ಅಂಕ) ಕೂಡ ಗಮನ ಸೆಳೆದರು. ಅತುಲ್‌ ಸಾಹಸದಿಂದ 30ನೇ ಅಂಕ ಸಂಪಾದಿಸಿದ ತಮಿಳ್‌ ಸೋಲಿನಿಂದ ಪಾರಾಯಿತು.