ಬೆಂಗಳೂರು: ಪ್ರೊ ಕಬಡ್ಡಿ ಪಂದ್ಯಾವಳಿಯಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ 8ನೇ ಗೆಲುವು ದಾಖಲಿಸಿದೆ.
ಸೋಮವಾರದ ಮೊದಲ ಮುಖಾಮುಖಿಯಲ್ಲಿ ಅದು ಗುಜರಾತ್‌ ಜೈಂಟ್ಸ್‌ ವಿರುದ್ಧ 36-31 ಅಂತರದ ಮೇಲುಗೈ ಸಾಧಿಸಿತು.ಇನ್ನೊಂದೆಡೆ ಗುಜರಾತ್‌ಗೆ 17 ಪಂದ್ಯಗಳಲ್ಲಿ ಎದುರಾದ 8ನೇ ಸೋಲು ಇದಾಗಿದೆ.
ಜೈಪುರ್‌ ಪರ ದೀಪಕ್‌ ಹೂಡಾ ಅಮೋಘ ಆಲ್‌ರೌಂಡ್‌ ಪ್ರದರ್ಶನ ನೀಡಿದರು (11). ರೈಡರ್‌ ಅರ್ಜುನ್‌ ದೇಶ್ವಾಲ್‌ ಮಿಂಚಿದ ಮತ್ತೋರ್ವ ಆಟಗಾರ (7 ಅಂಕ). ನಾಯಕ ಸಂದೀಪ್‌ ಧುಲ್‌ 4 ಅಂಕ ತಂದಿತ್ತರು.
ಇದನ್ನೂ ಓದಿ:ಅಹ್ಮದಾಬಾದ್‌ ಟೈಟಾನ್ಸ್‌: ನೂತನ ಐಪಿಎಲ್‌ ತಂಡಕ್ಕೆ ನಾಮಕರಣ
ಗುಜರಾತ್‌ ಪರ ರಾಕೇಶ್‌ ನರ್ವಾಲ್‌ 8, ರೈಡರ್‌ಗಳಾದ ಪ್ರದೀಪ್‌ ಕುಮಾರ್‌, ಅಜಯ್‌ ಕುಮಾರ್‌ ತಲಾ 6 ಅಂಕ ಗಳಿಸಿದರು.
ಬೆಂಗಾಲ್‌-ಟೈಟಾನ್ಸ್‌ ಪಂದ್ಯ 32-32ರಿಂದ ಟೈ ಆಯಿತು.
