ಚೋಪ್ರಾ, ನಿಕ್‌ ನಿಶ್ಚಿತಾರ್ಥ

ಮುಂಬಯಿ: ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್‌ ಜೋನಾಸ್‌ ಮದುವೆಯಾಗುತ್ತಿರುವುದಾಗಿ ಅಧಿಕೃತವಾಗಿ ಘೋಷಿಸಿದ್ದಾರೆ. ಮುಂಬಯಿಯ ಜುಹುನಲ್ಲಿರುವ ಪ್ರಿಯಾಂಕಾ ಚೋಪ್ರಾ ಅವರ ಬಂಗಲೆಯಲ್ಲಿ ಶನಿವಾರ ಬೆಳಗ್ಗೆಯೇ ರೋಕಾ (ನಿಶ್ಚಿತಾರ್ಥ) ಕಾರ್ಯಕ್ರಮ ನಡೆಯಿತು. ಸಮಾರಂಭದ ನಂತರ ಚೋಪ್ರಾ ಹಾಗೂ ನಿಕ್‌ ತಮ್ಮ ಮದುವೆಯ ಬಗ್ಗೆ ಇನ್‌ ಸ್ಟಾಗ್ರಾಂ ಖಾತೆಗಳಲ್ಲಿ ಪ್ರಕಟಿಸಿದ್ದಾರೆ. ಎರಡೂ ಕಡೆಯ ಸಂಬಂಧಿಗಳು, ನಿಕ್‌ ತಂದೆ-ತಾಯಿ, ಸಂಬಂಧಿಗಳು, ಸ್ನೇಹಿತರು, ಪ್ರಿಯಾಂಕ ಚೋಪ್ರಾ ಸಂಬಂಧಿ ಹಾಗೂ ನಟಿ ಪರಿಣಿತಿ ಚೋಪ್ರಾ, ಸಲ್ಮಾನ್‌ ಖಾನ್‌ ತಂಗಿ ಅರ್ಪಿತಾ ಖಾನ್‌ ಶರ್ಮಾ ಮುಂತಾದವರು ಈ ಸಮಾರಂಭಕ್ಕೆ ಸಾಕ್ಷಿಯಾದರು. ರೋಕಾ ಸಮಾರಂಭದ ನಂತರ, ನಗರದ ಐಶಾರಾಮಿ ಹೋಟೆಲ್‌ನಲ್ಲಿ ಭವ್ಯ ಔತಣಕೂಟವನ್ನೂ ಏರ್ಪಡಿಸಲಾಗಿತ್ತು.