ಕೋಲಾರದಲ್ಲಿ ಭೀಕರ ಅಪಘಾತ:ಬಸ್‌ ಬೈಕ್‌ಗೆ ಢಿಕ್ಕಿ,ಸವಾರ ಸಜೀವ ದಹನ!

ಕೋಲಾರ: ಬಂಗಾರಪೇಟೆಯ ಹೊರ ವಲಯದಲ್ಲಿ ಖಾಸಗಿ ಬಸ್ಸೊಂದು ಢಿಕ್ಕಿಯಾದ ಪರಿಣಾಮ ಬೈಕ್‌ಗೆ ಬೆಂಕಿ ಹೊತ್ತಿಕೊಂಡು  ಸವಾರ ಸಜೀವವಾಗಿ ದಹನಗೊಂಡ ಭೀಕರ ಅವಘಡ ಬುಧವಾರ ಬೆಳಗ್ಗೆ ನಡೆದಿದೆ. ಅವಘಡದಲ್ಲಿ ಬೈಕ್‌ನಲ್ಲಿದ್ದ ಇನ್ನೋರ್ವ ಪವಾಡ ಸದೃಶವಾಗಿ ಪಾರಾಗಿದ್ದಾನೆ.

ಮೃತ ದುರ್‌ದೈವಿ ಬಂಗಾರಪೇಟೆ ವಿವೇಕಾನಂದ ನಗರದ ನೀರಜ್‌(20) ಎನ್ನುವವನಾಗಿದ್ದಾನೆ. 

ಅಪಘಾತದ ತೀವ್ರತೆಗೆ ಯಮಹಾ ಆರ್‌1 ಬೈಕ್‌ ಕ್ಷಣಾರ್ಧದಲ್ಲಿ  ಸಂಪೂರ್ಣ ಸುಟ್ಟು ಕರಕಲಾಗಿ ಹೋಗಿದೆ.

ಬಂಗಾರಪೇಟೆ ಠಾಣಾ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.