Google: ಗೂಗಲ್‌ನಿಂದ ಮತ್ತೆ 30 ಸಾವಿರ ಮಂದಿ ತೆಗೆದುಹಾಕಲು ಸಿದ್ಧತೆ

ನ್ಯೂಯಾರ್ಕ್‌: ಮಾಹಿತಿ ತಂತ್ರಜ್ಞಾನ ಕ್ಷೇತ್ರ ಮತ್ತು ಅದರ ಸಹವರ್ತಿ ಕ್ಷೇತ್ರಗಳಲ್ಲಿ ಉದ್ಯೋಗದಲ್ಲಿ ಇರುವವರ ಭವಿಷ್ಯಕ್ಕೆ ಸವಾಲಾಗಿ ಪರಿಣಮಿಸಿದ ಕೃತಕ ಬುದ್ಧಿಮತ್ತೆ (ಎ.ಐ.)ಯಿಂದ ಮತ್ತಷ್ಟು ಸವಾಲಿನ ದಿನಗಳು ಉದ್ಭವಿಸಲಿವೆ. ಕೆಲ ದಿನಗಳ ಹಿಂದೆ ಪೇಟಿಎಂ ಎ.ಐ. ವ್ಯವಸ್ಥೆಯನ್ನು ಅಳವಡಿಸಿಕೊಂಡ ಕಾರಣ ಹತ್ತು ಸಾವಿರ ಮಂದಿಯನ್ನು ಕೆಲಸದಿಂದ ತೆಗೆದು ಹಾಕುವ ನಿರ್ಧಾರ ಕೈಗೊಂಡಿತ್ತು.

ಇದೀಗ ಇಂಟರ್‌ನೆಟ್‌ ಸರ್ಚ್‌ ಎಂಜಿನ್‌ ದೈತ್ಯ ಗೂಗಲ್‌ ಹೊಸ ಆವೃತ್ತಿಯ ಕೃತಕ ಬುದ್ಧಿಮತ್ತೆ ವ್ಯವಸ್ಥೆಯನ್ನು ಅಳವಡಿಸಲು ಮುಂದಾಗಿದೆ. ಈ ಹಿನ್ನೆಲೆಯಲ್ಲಿ ಸಂಸ್ಥೆಯಿಂದ ಇನ್ನೂ 30 ಸಾವಿರ ಮಂದಿಯನ್ನು ಕೆಲಸದಿಂದ ತೆಗೆದು ಹಾಕುವ ಸಾಧ್ಯತೆಗಳು ಇವೆ. ಸಂಸ್ಥೆಯಿಂದ ಈಗಾಗಲೇ 12 ಸಾವಿರ ಮಂದಿಯನ್ನು ತೆಗೆದು ಹಾಕಲಾಗಿದೆ.
ವಿಶೇಷವಾಗಿ ಗೂಗಲ್‌ನ ಜಾಹೀರಾತು ಮತ್ತು ಮಾರಾಟ ವಿಭಾಗದಲ್ಲಿ ಕೆಲಸ ಮಾಡುವವರಿಗೆ ಮೊದಲ ಹಂತದಲ್ಲಿ ಕೃತಕ ಬುದ್ಧಿಮತ್ತೆ ವ್ಯವಸ್ಥೆ ಅಳವಡಿಸಿಕೊಳ್ಳುವುದರಿಂದ ಸವಾಲಿನ ದಿನಗಳನ್ನು ಎದುರಿಸುವುದು ನಿಶ್ಚಿತ ಎನ್ನಲಾಗುತ್ತಿದೆ. ಇದರ ಜತೆಗೆ ಜಾಹೀರಾತು ಮತ್ತು ಮಾರಾಟ ವಿಭಾಗದಿಂದ ಮುಂದುವರಿದು, ಇತರ ವಿಭಾಗ ಮತ್ತು ಸಹವರ್ತಿ ಸಂಸ್ಥೆಗಳಿಗೆ ಕೂಡ ಎ.ಐ. ಅನ್ನು ವಿಸ್ತರಿಸುವುದು ಖಚಿತವೆನ್ನಲಾಗುತ್ತಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಗೂಗಲ್‌ ಸಿಇಒ ಸುಂದರ ಪಿಚೈ ಬದಲಾಗುತ್ತಿರುವ ಔದ್ಯಮಿಕ ಆದ್ಯತೆಗಳಿಂದಾಗಿ ತಂತ್ರಜ್ಞಾನವನ್ನು ಹೆಚ್ಚಿನ ಪ್ರಮಾಣದಲ್ಲಿ ಅವಲಂಬಿಸಬೇಕಾಗಿದೆ. ಇದರಿಂದಾಗಿ ಉದ್ಯೋಗ ಕ್ಷೇತ್ರದಲ್ಲಿ ಪುನರ್‌ ರಚನೆ ಆಗಬೇಕಾದ ಅನಿವಾರ್ಯವಿದೆ. ಜತೆಗೆ ಉದ್ಯೋಗ ಕಡಿತ ಕೂಡ ಅನಿವಾರ್ಯ ಎಂದಿದ್ದಾರೆ. ಗೂಗಲ್‌ನಿಂದ