Advertisement

ಬ್ರಿಜ್‌ಭೂಷಣ್‌ ಸಿಂಗ್‌ ವಿರುದ್ಧ FIR ಮೊದಲು ತನಿಖೆ ಅಗತ್ಯ: ಸುಪ್ರೀಂಗೆ ದಿಲ್ಲಿ ಪೊಲೀಸ್‌

12:16 AM Apr 27, 2023 | Team Udayavani |

ಹೊಸದಿಲ್ಲಿ: ರೆಸ್ಲಿಂಗ್‌ ಫೆಡರೇಶನ್‌ ಆಫ್ ಇಂಡಿಯಾದ ಮುಖ್ಯಸ್ಥ ಬ್ರಿಜ್‌ಭೂಷಣ್‌ ಶರಣ್‌ ಸಿಂಗ್‌ ವಿರುದ್ಧ ಏಳು ಮಹಿಳಾ ಕುಸ್ತಿ ಪಟುಗಳು ಮಾಡಿರುವ ಲೈಂಗಿಕ ಕಿರುಕುಳ ಆರೋಪದ ಕುರಿತು ಎಫ್ಐಆರ್‌ ದಾಖಲಿಸುವ ಮೊದಲು ಕೆಲವು ಪ್ರಾಥಮಿಕ ತನಿಖೆಯ ಅಗತ್ಯ ವಿದೆ ಎಂದು ದಿಲ್ಲಿ ಪೊಲೀಸರು ಸುಪ್ರೀಂ ಕೋರ್ಟ್‌ಗೆ ತಿಳಿಸಿದ್ದಾರೆ.
ಅರ್ಜಿಯ ವಿಚಾರಣೆ ನಡೆಸಿದ ಸಿಜೆಐ ಡಿ.ವೈ. ಚಂದ್ರಚೂಡ್‌, ನ್ಯಾ| ಮೂ| ಪಿ.ಎಸ್‌. ನರಸಿಂಹ ಅವ ರಿದ್ದ ನ್ಯಾಯಪೀಠದ ಎದುರು, ದಿಲ್ಲಿ ಪೊಲೀಸರ ಪರವಾಗಿ ವಾದ ಮಂಡಿಸಿದ ಸಾಲಿಸಿಟರ್‌ ಜನ ರಲ್‌ ತುಷಾರ್‌ ಮೆಹ್ತಾ, “ಒಂದು ವೇಳೆ ನೇರವಾಗಿ ಎಫ್ಐಆರ್‌ ದಾಖಲಿಸಬೇಕು ಎಂದು ನ್ಯಾಯ ಪೀಠ ಹೇಳಿದರೆ, ಅದರಂತೆ ಎಫ್ಐಆರ್‌ ದಾಖಲಿಸಲಾಗುವುದು” ಎಂದು ಹೇಳಿದರು.

Advertisement

ಇದಕ್ಕೆ ಪ್ರತಿಕ್ರಿಯಿಸಿದ ಸಿಜೆಐ, “ನಮ್ಮ ಬಳಿ ಪುರಾವೆಗಳಿಲ್ಲದಿದ್ದರೆ ನಾವು ಕೂಡ ಇನ್ನೊಂದು ಪಕ್ಷದ ವಾದವನ್ನು ಆಲಿಸದೆ ಏನೂ ಮಾಡುವುದಿಲ್ಲ. ನಿಮ್ಮ ಬಳಿ ಇರುವ ಪುರಾವೆಗಳನ್ನು ಶುಕ್ರವಾರ ಸಲ್ಲಿಸಿ” ಎಂದು ಸೂಚಿಸಿದರು. ಕುಸ್ತಿಪಟುಗಳ ಪರವಾಗಿ ವಾದ ಮಂಡಿಸಿದ ಕಪಿಲ್‌ ಸಿಬಲ್‌, ತಮ್ಮ ಬಳಿ ಹೆಚ್ಚುವರಿ ಪುರಾವೆಗಳಿದ್ದು, ಅದನ್ನು ನ್ಯಾಯಾ ಲಯಕ್ಕೆ ಸಲ್ಲಿಸುವುದಾಗಿ ತಿಳಿಸಿದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next