ಸಮೃದ್ಧ ಮಳೆಗಾಗಿ ದೇವರಲ್ಲಿ ಪ್ರಾರ್ಥನೆ: ನಾಡಗೌಡ

ಗೊರೇಬಾಳ: ಸತತ ಬರಗಾಲದಿಂದ ಬಳಲುತ್ತಿರುವ ಜನರು ನೆಮ್ಮದಿ ಜೀವನ ಸಾಗಿಸಲು ಈ ವರ್ಷ ಸಮೃದ್ಧ ಮಳೆಯಾಗಿ ತುಂಗಾನದಿ ಒಡಲು ತುಂಬಿ ರೈತರೆಲ್ಲರೂ ಸಂತೋಷದಿಂದ ಜೀವನ ಸಾಗಿಸಲಿ ಎಂದು ದೇವರಲ್ಲಿ ಪ್ರಾರ್ಥಿಸುತ್ತಿರುವುದಾಗಿ ಮಾಜಿ
ಶಾಸಕ ವೆಂಕಟರಾವ ನಾಡಗೌಡ ಹೇಳಿದರು.

ಮಲ್ಕಾಪುರದಲ್ಲಿ ಜಾತ್ಯತೀತ ಜನತಾದಳ ಹ್ಮಮಿಕೊಂಡಿರುವ ಜೆಡಿಎಸ್‌ ನಡೆ ರೈತರ ಕಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ನಮ್ಮ ಪಾದಯಾತ್ರೆ 8ನೇ ದಿನಕ್ಕೆ ಯಶಸ್ವಿಯಾಗಿ ಪಾದಾರ್ಪಣೆ ಮಾಡಿದೆ. ಅನೇಕ ಕನಸುಗಳನ್ನು ಹೊತ್ತು ನನ್ನ ಕೊರಳಿಗೆ ಮಾಲೆ ಹಾಕಿದ್ದಾರೆ. ಆ ಕನಸುಗಳನ್ನು ನನಸಾಗಿಸಲು ನಾನು ಸದಾ ಸಿದ್ಧನಾಗಿ ಜನರ ಸೇವೆಗಾಗಿ ಶ್ರಮಿಸುತ್ತೇನೆ. ಅವರೆಲ್ಲರ ಆಸೆಗಳನ್ನು ಈಡೇರಿಸಲು ಭಗವಂತ ನನಗೆ ಶಕ್ತಿ ಕೊಡಲಿ ಎಂದು ಪ್ರಾರ್ಥಿಸುತ್ತೇನೆ. ಪಾದಯಾತ್ರೆ ಮತ್ತು ಗ್ರಾಮ ವಾಸ್ತವ್ಯಕ್ಕೆ ಜನರು ಸಹಾಯ ಸಹಕಾರ ನೀಡುತ್ತಿದ್ದಾರೆ. ಎಲ್ಲರಿಗೂ ಕೃತಜ್ಞತೆ ಸಲ್ಲಿಸುತ್ತೇನೆ ಎಂದು ಹೇಳಿದರು.

ಜಿಪಂ ಸ್ಥಾಯಿ ಸಮಿತಿ ಅಧ್ಯಕ್ಷ ಎನ್‌. ಶಿವನಗೌಡ ಗೊರೇಬಾಳ ಮಾತನಾಡಿ, ಮಣ್ಣಿನ ಮಗನಾದ ದೇವೇಗೌಡರು ರೈತ ಕುಟುಂಬದಿಂದ ಬಂದವರು. ರೈತರ ಬಗ್ಗೆ ಕಾಳಜಿವುಳ್ಳವರು. ರೈತರ ನೋವು ಬಲ್ಲವರು. ದೇವೇಗೌಡರಿಗೆ ರೈತರ ಬಗ್ಗೆ ಇರುವ
ಕಾಳಜಿ ಯಾವ ರಾಜಕೀಯ ವ್ಯಕ್ತಿಗೂ ಇಲ್ಲ. ಈ ಬಾರಿ ಜೆಡಿಎಸ್‌ ಅ ಧಿಕಾರಕ್ಕೆ ಬಂದರೆ ಸಮಸ್ಯೆಗಳಿಗೆ ಪರಿಹಾರ ಕಾಣಲಿವೆ ಎಂದು ಹೇಳಿದರು. ತಾಪಂ ಸದಸ್ಯ ಉದಯಗೌಡ ಮಾತನಾಡಿದರು. ತಾಪಂ ಸದಸ್ಯ ಗೋವಿಂದರಾಜ ಸೋಮಲಾಪುರ, ಜೆಡಿಎಸ್‌
ವಕ್ತಾರ ಬಸವರಾಜ ನಾಡಗೌಡ, ಜೆಡಿಎಸ್‌ ತಾಲೂಕು ಅಧ್ಯಕ್ಷ ಲಿಂಗಪ್ಪ ದಢೆಸುಗೂರು, ಮುಖಂಡರಾದ ಹನುಮಂತಪ್ಪ ನಾಯಕ,
ದೇವೇಂದ್ರಗೌಡ, ಶಂಕರಗೌಡ ಮಲ್ಕಾಪುರ, ಬರಗೂರು ಹನುಮಂತಪ್ಪ, ಧರ್ಮನಗೌಡ ಮಲ್ಕಾಪುರ, ಮಲ್ಲನಗೌಡ ಮಾವಿನಮಡು,
ಬಸವನಗೌಡ ಇದ್ದರು.