ಪ್ರಸಾದ ಸೇವನೆ: 120 ಮಂದಿ ಅಸ್ವಸ್ಥ

ಶಿರಾ: ತುಮಕೂರು ಜಿಲ್ಲೆಯ ಶಿರಾ ತಾಲೂಕಿನ ಚಿನ್ನಪ್ಪನಹಳ್ಳಿ ಗ್ರಾಮದಲ್ಲಿ ಹರಸೇವೆ ಊಟ ಮಾಡಿದ 8-10 ಮಕ್ಕಳ ಸಹಿತ 120ಕ್ಕೂ ಹೆಚ್ಚು ಗ್ರಾಮಸ್ಥರು ಅಸ್ವಸ್ಥರಾಗಿ ಆಸ್ಪತ್ರೆ ಸೇರಿದ್ದಾರೆ.

ಗ್ರಾಮದ ಆಂಜನೇಯ ಸ್ವಾಮಿಗೆ ಶನಿವಾರ ಹರಸೇವೆ ನಡೆದಿದ್ದು, ರಾತ್ರಿ ಗ್ರಾಮಸ್ಥರು ಪ್ರಸಾದವಾಗಿ ಅನ್ನ- ಸಾರು, ಪಾಯಸ, ಸಿಹಿ ಮತ್ತು ಖಾರಾ ಬೂಂದಿ ಊಟ ಮಾಡಿದ್ದರು. ರವಿವಾರ ಬೆಳಗಾಗುತ್ತಿದ್ದಂತೆ, ಹಲವರಿಗೆ ವಾಂತಿ, ಭೇದಿ, ತಲೆಭಾರ, ಜ್ವರ ತೊಂದರೆಗಳು ಕಾಣಿಸಿಕೊಂಡಿವೆ.

ಆಶಾ ಕಾರ್ಯಕರ್ತೆಯರು ಹಲವರಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಿದರು. 40 ಮಂದಿಯನ್ನು ತುಮಕೂರು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ಬಗ್ಗೆ ತನಿಖೆ ನಡೆಯುತ್ತಿದೆ.