ನಟ ರಾಜವರ್ಧನ್‌ ಮತ್ತು ನೈನಾ ಗಂಗೂಲಿ ಜೋಡಿಯಾಗಿ ಅಭಿನಯಿಸಿರುವ ರೊಮ್ಯಾಂಟಿಕ್, ಕ್ರೈಂ-ಥ್ರಿಲ್ಲರ್‌ ಕಥಾಹಂದರದ “ಪ್ರಣಯಂ’ ಸಿನಿಮಾ ತೆರೆಗೆ ಬರಲು ಸಿದ್ದವಾಗಿದೆ. ಸದ್ಯ “ಪ್ರಣಯಂ’ ಸಿನಿಮಾದ ಅಂತಿಮ ಹಂತದ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳಲ್ಲಿ ನಿರತವಾಗಿರುವ ಚಿತ್ರತಂಡ, ಇತ್ತೀಚೆಗೆ ಸಿನಿಮಾದ ಫ‌ಸ್ಟ್‌ಲುಕ್‌ ಟೀಸರ್ ಬಿಡುಗಡೆ ಮಾಡಿದೆ.
“ಪಿ2 ಪ್ರೊಡಕ್ಷನ್ಸ್‌’ ಮತ್ತು “ಮಾನ್ಸಿ ವೆಂಚರ್’ ಬ್ಯಾನರಿನಲ್ಲಿ ಪರಮೇಶ್‌ ನಿರ್ಮಿಸಿರುವ “ಪ್ರಣಯಂ’ ಚಿತ್ರಕ್ಕೆ ಎಸ್‌. ದತ್ತಾತ್ರೇಯ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ.
ಇದೇ ವೇಳೆ ಮಾತನಾಡಿದ ನಿರ್ಮಾಪಕ ಪರಮೇಶ್‌, “ಎಂಗೇಜ್ಮೆಂಟ್‌ ಆದಾಗಿನಿಂದ ಮದುವೆಯಾಗು ವವರೆಗೆ ಒಂದು ಯುವ ಜೋಡಿ ಅನುಭವವನ್ನು ಇಟ್ಟುಕೊಂಡು ಈ ಸಿನಿಮಾ ಮಾಡಲಾಗಿದೆ. ಇದೊಂದು ಲವ್‌, ರೊಮ್ಯಾಂಟಿಕ್ ಮತ್ತು ಕ್ರೈಂ-ಥ್ರಿಲ್ಲರ್‌ ಕಥಾಹಂದರದ ಸಿನಿಮಾ. ಹೊಸತರದಲ್ಲಿ ಹೇಳಿರುವ ಕಥೆ ಪ್ರೇಕ್ಷಕರಿಗೆ ಇಷ್ಟವಾಗಲಿದೆ’ ಎಂಬ ವಿಶ್ವಾಸ ವ್ಯಕ್ತಪಡಿಸಿದರು.
ಇದನ್ನೂ ಓದಿ:ಕುಷ್ಟಗಿ: ಆಮ್ ಆದ್ಮಿ ಪಕ್ಷಕ್ಕೆ ಕುಷ್ಟಗಿ ಘಟಕ ಸಾಮೂಹಿಕ ರಾಜಿನಾಮೆ
ನಟ ರಾಜವರ್ಧನ್‌ ಸಿನಿಮಾದಲ್ಲಿ ವಿದೇಶದಿಂದ ಬಂದಿರುವ ಹುಡುಗನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. “ಇದೊಂದು ಯೂಥ್‌ಫ‌ುಲ್‌ ಸಬೆjಕ್ಟ್ ಸಿನಿಮಾ. ಇಂದಿನ ಆಡಿಯನ್ಸ್‌ಗೆ ಇಷ್ಟವಾಗುವಂಥ ಕಥೆ, ನಿರೂಪಣೆ, ಸಾಂಗ್ಸ್‌ ಎಲ್ಲವೂ ಸಿನಿಮಾದಲ್ಲಿದೆ. ಚಿತ್ರತಂಡದ ಸಹಕಾರದಿಂದ ಒಂದೊಳ್ಳೆ ಸಿನಿಮಾ ಮಾಡಿದ್ದೇವೆ’ ಎಂದರು.
“ಇಡೀ ಸಿನಿಮಾ ಮಳೆ ಮತ್ತು ಮಂಜಿನ ನಡುವೆ ಸಾಗುತ್ತದೆ. ಕಥೆಗೆ ತಕ್ಕಂತ ಲೊಕೇಶನ್‌ ಹುಡುಕಿ ಸಿನಿಮಾ ಮಾಡಿದ್ದೇವೆ. ಕೊಡಗು, ಚಿಕ್ಕಮಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ’ ಎನ್ನುವುದು ನಿರ್ದೇಶಕ ಎಸ್‌. ದತ್ತಾತ್ರೇಯ ಮಾಹಿತಿ. ಕಲಾವಿದರಾದ ಗೋವಿಂದೇ ಗೌಡ (ಜಿ.ಜಿ), ಪ್ರಶಾಂತ್‌ ನಟನ, ಪ್ರಿಯಾ ತರುಣ್‌, ಸಮೀಕ್ಷಾ, ಮಂಥನಾ ಮೊದಲಾದವರು “ಪ್ರಣಯಂ’ ಸಿನಿಮಾದ ಅನುಭವಗಳನ್ನು ಹಂಚಿಕೊಂಡರು.
“ಪ್ರಣಯಂ’ ಸಿನಿಮಾದ ಆರು ಹಾಡುಗಳಿಗೆ ಮನೋಮೂರ್ತಿ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರಕ್ಕೆ ವಿ. ನಾಗೇಶ ಆಚಾರ್ಯ ಛಾಯಾಗ್ರಹಣ, ಕೆ. ಗಿರೀಶ ಕುಮಾರ್‌ ಸಂಕಲನವಿದೆ.
