Uttar Pradesh ಈಗ ರಾಜಕಾರಣಿಗಳಿಂದ “ಬಿಳಿಟವಲ್‌’ ರಾಜಕೀಯ!

ಲಕ್ನೋ: ಬಸ್‌ನಲ್ಲಿ ಸೀಟು ಹಿಡಿಯಲೆಂದೇ ಕಿಟಕಿಯಿಂದ ಟವೆಲ್‌ ಎಸೆದು ಬಳಿಕ ಕಾದಾಡುವವರನ್ನು ಕಂಡಿದ್ದೇವೆ. ಆದರೆ, ಉತ್ತರ ಪ್ರದೇಶದಲ್ಲಿ ಪ್ರಭಾವಿ ಎಂದು ಗುರುತಿಸಿಕೊಳ್ಳುವುದಕ್ಕಾಗಿ ರಾಜಕಾರಣಿಗಳು ಟವೆಲ್‌ಗಾಗಿ ಕಾದಾಡುತ್ತಿದ್ದಾರೆ!

ಉನ್ನತ ಅಧಿಕಾರಿಗಳಿಗೆ (ಜಿಲ್ಲಾಧಿಕಾರಿ, ಕಾರ್ಯದರ್ಶಿ, ಪೊಲೀಸರಿಗೆ) ನೀಡುವಂಥ ಬಿಳಿ ಟವೆಲ್‌ ಕುರ್ಚಿಯನ್ನೇ ತಮಗೂ ನೀಡಬೇಕು ಎಂದು ಆಗ್ರಹಿಸಿದ್ದಾರೆ. ಹೌದು, ಅಧಿಕಾರಿಗಳು, ಕಾರ್ಯದರ್ಶಿಗಳ ಸಭೆಗಳಲ್ಲಿ ಅವರಿಗೆ ಬಿಳಿ ಟವೆಲ್‌ ಹಾಕಿದ ಕುರ್ಚಿ ನೀಡಿ, ಶಾಸಕರು, ಸಂಸದರು, ಎಂಎಲ್‌ಸಿಗಳಿಗೆ ಖಾಲಿ ಕುರ್ಚಿ ನೀಡಲಾಗುತ್ತಿದೆ ಎಂದು ಸಮಾಜವಾದಿ ಪಕ್ಷದ ಹಲವರು ಆರೋಪಿಸಿದ್ದಾರೆ.

ಬಳಿಕ ರಾಜ್ಯ ಕಾರ್ಯದರ್ಶಿಯು ಎಲ್ಲಾ ಶಾಸಕರು, ಸಂಸದರಿಗೂ ಬಿಳಿ ಟವೆಲ್‌ ಕುರ್ಚಿ ನೀಡುವಂತೆ ಆದೇಶಿಸಿದ್ದಾರೆ. ಆದಾಗ್ಯೂ, ಪ್ರತಿಪಕ್ಷಗಳ ಶಾಸಕರಿಗೆ ಅಂಥ ಕುರ್ಚಿ ನೀಡಲಾಗುತ್ತಿಲ್ಲ ಎಂದು ಎಸ್ಪಿ ನಾಯಕರು ಆರೋಪಿಸಿದ್ದಾರೆ.