ಪವರ್‌ಲಿಫ್ಟಿಂಗ್‌ ಸ್ಪರ್ಧೆ : ಕುಂದಾಪುರದ ಸತೀಶ್‌ ಖಾರ್ವಿಗೆ 2 ಚಿನ್ನದ ಪದಕ

ಕುಂದಾಪುರ : ತಮಿಳುನಾಡಿನ ಕೊಯಮತ್ತೂರಿನಲ್ಲಿ ನಡೆಯುತ್ತಿರುವ ಏಷ್ಯನ್‌ ಪವರ್‌ಲಿಫ್ಟಿಂಗ್‌ ಸ್ಪರ್ಧೆಯಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ ಕುಂದಾಪುರದ ಪವರ್‌ಲಿಫ್ಟರ್‌ ಸತೀಶ್‌ ಖಾರ್ವಿ ಅವರು 2 ಚಿನ್ನ ಹಾಗೂ 2 ಬೆಳ್ಳಿ ಪದಕಗಳನ್ನು ಜಯಿಸಿದ್ದಾರೆ.

ಸತೀಶ್‌ ಖಾರ್ವಿ ಅವರು 66 ಕೆ.ಜಿ. ವಿಭಾಗದ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದು, ಡೆಡ್‌ಲಿಫ್ಟ್‌ನಲ್ಲಿ 2 ಚಿನ್ನ, ಬೆಂಚ್‌ ಮತ್ತು ಸ್ಕಾಟ್‌ನಲ್ಲಿ 2 ಬೆಳ್ಳಿ ಪದಕ ಜಯಿಸಿದರು. ಇವರು ಕುಂದಾಪುರದ ನ್ಯೂ ಹರ್ಕುÂಲೆಸ್‌ ಜಿಮ್‌ನ ವ್ಯವಸ್ಥಾಪಕರಾಗಿದ್ದಾರೆ.