ಅಂಚೆ ಬ್ಯಾಂಕ್‌: 25 ಸಾವಿರ ರೂ. ಠೇವಣಿಗೆ ಶೇ.4.5 ಬಡ್ಡಿ

ನವದೆಹಲಿ: ಬ್ಯಾಂಕಿಂಗ್‌ ವಹಿವಾಟು ಆರಂಭ ಮಾಡಲು ಆರ್‌ಬಿಐನಿಂದ ಪರವಾನಗಿ ಪಡೆದುಕೊಂಡ ಭಾರತೀಯ ಅಂಚೆ ಇಲಾಖೆಯ ಪಾವತಿ ಬ್ಯಾಂಕ್‌  (ಐಪಿಪಿಬಿ)ಪ್ರಾಯೋಗಿಕ ನೆಲೆಯಲ್ಲಿ ರಾಯ್‌ಪುರ ಮತ್ತು ರಾಂಚಿಯಲ್ಲಿ ಕಾರ್ಯಾರಂಭ ಮಾಡಿದೆ. 

ಈ ನಡುವೆ ಅದು ಠೇವಣಿಗೆ ಆಕರ್ಷಕ ಬಡ್ಡಿ ದರ ನೀಡುವುದಾಗಿಯೂ ತಿಳಿಸಿದೆ. 25 ಸಾವಿರ ರೂ. ಠೇವಣಿ ಇಟ್ಟರೆ ಶೇ 4.5,  25 ರಿಂದ 50 ಸಾವಿರ ರೂ. ಠೇವಣಿಗೆ ಶೇ. 5 ಮತ್ತು  50 ಸಾವಿರದಿಂದ 1 ಲಕ್ಷದ ವರೆಗಿನ ಠೇವಣಿಗೆ ಶೇ 5.5 ಬಡ್ಡಿ ಕೊಡುವುದಾಗಿ ಘೋಷಿಸಿದೆ. ಬ್ಯಾಂಕಿನ ಆರಂಭಿಕ ಬಂಡವಾಳ 800 ಕೋಟಿ ಎಂದು ನಿಗದಿ ಮಾಡಲಾಗಿದೆ. ಪ್ರತಿಯೊಂದು ಜಿಲ್ಲೆಯಲ್ಲೂ ಬ್ಯಾಂಕ್‌ ಶಾಖೆ ತೆರೆದು 3 ಲಕ್ಷ ಪೋಸ್ಟ್‌ಮ್ಯಾನ್‌ಗಳನ್ನು ಬ್ಯಾಂಕ್‌ ಉದ್ದೇಶಕ್ಕಾಗಿ ಬಳಸಿಕೊಳ್ಳಲಿದೆ.