ಕೋಲ್ಕತದ: ಆನ್‌ಲೈನ್‌ನಲ್ಲೇ ಪೋಸ್ಟ್‌ ಮಾರ್ಟೆಂ ರಿಪೋರ್ಟ್‌

ಕೋಲ್ಕತ : ಕೋಲ್ಕತ ಮಹಾ ನಗರದಲ್ಲೀಗ ಮರಣೋತ್ತರ ಪರೀಕ್ಷೆಯ ವರದಿಯನ್ನು ಆನ್‌ಲೈನ್‌ ನಲ್ಲಿ ಪಡೆಯಬಹುದಾಗಿದೆ. ಪರಿಣಾಮವಾಗಿ ಕೋಲ್ಕತ ಪೊಲೀಸರಿಂದ ಮರಣೋತ್ತರ ಪರೀಕ್ಷಾ ವರದಿಯನ್ನು ಪಡೆಯುವ ದೀರ್ಘ‌ ಕಾಯುವಿಕೆಯು ಕೊನೆಗೊಂಡಂತಾಗಿದೆ.

ಕೋಲ್ಕತ ಪೊಲೀಸರು ತಮ್ಮ ಇಲಾಖೆಯಲ್ಲಿನ ಸುಮಾರು 160 ವರ್ಷಗಳಿಂದ ಚಾಲ್ತಿಯಲ್ಲಿರುವ ಹಳೇ ಪದ್ಧತಿಯನ್ನು ಆಧುನೀಕರಿಸಲು ಮುಂದಾಗಿದ್ದಾರೆ. ಅಂತೆಯೇ ಅಸ್ವಾಭಾವಿಕ ಸಾವಿನ ಕೇಸುಗಳಲ್ಲಿ  ಪೋಸ್ಟ್‌ ಮಾರ್ಟೆಂ ವರದಿಯನ್ನು ಸಂಬಂಧಿತರಿಗೆ ಆನ್‌ ಲೈನ್‌ನಲ್ಲೇ ಪಡೆಯಲು ಸಾಧ್ಯವಾಗುವ ಆಧುನಿಕ ಕ್ರಮವನ್ನು ಆರಂಭಿಸಿದ್ದಾರೆ. 

ಕೋಲ್ಕತ ಪೊಲೀಸ್‌ ಇಲಾಖೆಯಲ್ಲಿ ಈ ವಾರದಿಂದ ಇ-ಆಡಳಿತ ಉಪಕ್ರಮಗಳು ಆರಂಭವಾಗಿವೆ. ಈ ನಿಟ್ಟಿನಲ್ಲಿ ಮೊದಲ ಕ್ರಮವಾಗಿ ಆನ್‌ಲೈನ್‌ನಲ್ಲಿ ಲಭ್ಯಗೊಳಿಸಲಾಗುವ ಪೋಸ್ಟ್‌ ಮಾರ್ಟೆಂ ವರದಿಯನ್ನು ಸಂಬಂಧಿತರು ಪಡೆಯಲು ಕೋಲ್ಕತ ಪೊಲೀಸ್‌ ಅಧಿಕೃತ ವೆಬ್‌ಸೈಟ್‌ https://pmr.kolkatapolice.org. ಸಂದರ್ಶಿಸಿದರಾಯಿತು ಎಂದು ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.