ವಿಶ್ವ ಕುಸ್ತಿಗೆ ಪೂಜಾ ಧಂಡಾ, ನವಜೋತ್‌ ಕೌರ್‌ ಆಯ್ಕೆ

ಲಕ್ನೋ: ಒಲಿಂಪಿಕ್ಸ್‌ ವಿಭಾಗದಲ್ಲಿ ಅರ್ಹತೆ ಪಡೆಯಲು ವಿಫ‌ಲರಾಗಿದ್ದ ಭಾರತ ಕುಸ್ತಿಪಟುಗಳಾದ ಪೂಜಾ ಧಂಡಾ ಮತ್ತು ನವಜೋತ್‌ ಕೌರ್‌ ಸ್ಪರ್ಧೆಗಿಳಿಯದೆಯೇ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ಗೆ ಅರ್ಹತೆ ಪಡೆದಿದ್ದಾರೆ. ಸೋಮವಾರ ಇವರು ಭಾಗವಹಿಸಿದ್ದ ಸ್ಪರ್ಧೆಯಲ್ಲಿ ಎದುರಾಳಿಗಳು ಯಾರೂ ಕಣಕ್ಕೆ ಇಳಿಯದ ಕಾರಣ ಇಬ್ಬರೂ ನೇರವಾಗಿ ವಿಶ್ವ ಕೂಟಕ್ಕೆ ಅರ್ಹತೆ ಪಡೆದುಕೊಂಡರು.

ಕೆಲವು ದಿನಗಳ ಹಿಂದೆ ಶಿಸ್ತು ಉಲ್ಲಂ ಸಿದ ಕಾರಣಕ್ಕೆ ಭಾರತೀಯ ಕುಸ್ತಿ ಒಕ್ಕೂಟ 25 ಕುಸ್ತಿ ಪಟುಗಳನ್ನು ಅಮಾನತು ಮಾಡಿದ್ದರಿಂದ ಎದುರಾಳಿಗಳು ಇರಲಿಲ್ಲ ಎಂದು ಹೇಳಲಾಗಿದೆ.

ವಿಶ್ವ ಕುಸ್ತಿಗೆ ಭಾರತ ತಂಡ
ವಿಶ್ವ ಚಾಂಪಿಯನ್‌ಶಿಪ್‌ ಸೆ. 14ರಿಂದ 22ರ ತನಕ ಕಜಾಕ್‌ಸ್ಥಾನದಲ್ಲಿ ನಡೆಯಲಿದೆ. ಇದಕ್ಕೆ ಆಯ್ಕೆಯಾದ ಕುಸ್ತಿಪಟುಗಳೆಂದರೆ, ಸೀಮಾ ಬಿಸ್ಲಾ (50 ಕೆಜಿ), ವಿನೇಶ್‌ ಪೋಗಟ್‌ (53 ಕೆಜಿ), ಲಲಿತಾ (55 ಕೆಜಿ), ಸರಿತಾ ಮೋರ್‌ (57 ಕೆಜಿ), ಪೂಜಾ ಧಂಡಾ (59 ಕೆಜಿ), ಸಾಕ್ಷಿ ಮಲಿಕ್‌ (62 ಕೆಜಿ), ನವಜೋತ್‌ ಕೌರ್‌ (65 ಕೆಜಿ), ದಿವ್ಯಾ ಕಾಕ್ರನ್‌ (68 ಕೆಜಿ), ಕೋಮಲ್‌ (72 ಕೆಜಿ) ಮತ್ತು ಕಿರಣ್‌ (76 ಕೆಜಿ).