ಆರೋಗ್ಯ ಸುರಕ್ಷೆಗೆ ಮಾಲಿನ್ಯ ಮುಕ್ತ ಪರಿಸರ

ಬದಿಯಡ್ಕ : ಮಳೆಗಾಲ ಪೂರ್ವ ಶುಚೀಕರಣದಂಗವಾಗಿ ಮಂಜೇಶ್ವರ ಬ್ಲೋಕ್‌ ಪಂಚಾಯತ್‌ ಕಚೇರಿಯ ಸುತ್ತುಮುತ್ತಲಿನ ಪರಿಸರವನ್ನು ಶುಚೀಕರಿಸಲಾಯಿತು.

ಮಳೆಗಾಲದ ಪೂರ್ವಕಾಲ ಶುಚೀಕರಣದ ಕುರಿತು ಬಿಡಿಒ ರೆಜಿ.ಎಸ್‌ ಮಾಹಿತಿಯನ್ನು ನೀಡಿದರು. ಬ್ಲಾಕ್ ಪಂಚಾಯತ್‌ ಅಧ್ಯಕ್ಷ ಎ.ಕೆ.ಎಂ. ಅಶ್ರಫ್‌, ಉಪಾಧ್ಯಕ್ಷೆ ಮಮತಾ ದಿವಾಕರನ್‌, ಕಾರ್ಯದರ್ಶಿ ಸುರೇಂದ್ರನ್‌ ಎನ್‌ ಮೊದಲಾದವರು ಶುಚೀಕರಣಕ್ಕೆ ನೇತೃತ್ವ ವಹಿಸಿದರು.

ಬ್ಲೋಕ್‌ ಪಂಚಾಯತ್‌ ಸ್ಥಾಯೀ ಸಮಿತಿ ಸದಸ್ಯರು, ಅಸಿಸ್ಟಂಟ್‌ ಎಕ್ಸಿಕ್ಯೂಟಿವ್‌ ಇಂಜಿನಿಯರ್‌ ರಾಜವಲ್ಲಿ ಎನ್‌.ಎಸ್‌. ಅಸಿಸ್ಟೆಂಟ್‌ ಇಂಜಿನಿಯರ್‌ ಜೋಬಿ ಯು, ಪರಿಶಿಷ್ಟ ಜಾತಿ ಅಭಿವೃದ್ಧಿ ಅಧಿಕಾರಿ ತಿರುಮಲೇಶ್‌ ಪಿ.ಕೆ., ಸಿಬ್ಬಂದಿಗಳು, ಎಸ್‌.ಸಿ. ಪ್ರೊಮೋಟರ್‌ಗಳು, ಸಾಕ್ಷರತಾ ಪ್ರೇರಕ್‌ ಮೊದಲಾದವರು ಶುಚೀಕರಣದಲ್ಲಿ ಭಾಗವಹಿಸಿದರು.