ಪೂರ್ವ ಇಂಪಾಲ ಜಿಲ್ಲೆಯಲ್ಲಿ ಶಕ್ತಿಶಾಲಿ IED ಬಾಂಬ್‌, ನಿಷ್ಕ್ರಿಯ

ಇಂಪಾಲ : ಮಣಿಪುರದ ಪೂರ್ವ ಇಂಪಾಲ ಜಿಲ್ಲೆಯಲ್ಲಿ ದುಷ್ಕರ್ಮಿಗಳು ಹೂತಿಟ್ಟಿದ್ದ ಅತ್ಯಂತ ಶಕ್ತಿಶಾಲಿ IED (Improvised Explosive Device) ಬಾಂಬನ್ನು ಪೊಲೀಸರು ಇಂದು ಬುಧವಾರ ಪತ್ತೆ ಹಚ್ಚಿ ನಿಷ್ಕ್ರಿಯಗೊಳಿಸಿದರು. 

ದೊಲೈತಾಬಿ ಎಂಬಲ್ಲಿ ನೆಲದಡಿ ಹುದುಗಿಡಲಾಗಿದ್ದ ಈ ಶಕ್ತಿಶಾಲಿ IED ಬಾಂಬನ್ನು ಸ್ಥಳೀಯರು ಗುರುತಿಸಿ ಪೊಲೀಸರಿಗೆ ವಿಷಯ ತಿಳಿಸಿದರು. 

ಒಡನೆಯೇ ಬಾಂಬ್‌ ವಿಲೇವಾರಿ ತಂಡದ ಪರಿಣತರು ಆಗಮಿಸಿ ಬಾಂಬನ್ನು ನಿಷ್ಕ್ರಿಗೊಳಿಸಿ ಸಂಭವನೀಯ ಭಾರೀ ನ್ಪೋಟದ ದುರಂತವನ್ನು ತಪ್ಪಿಸಿದರು ಎಂದು ಪೊಲಿಸರು ತಿಳಿಸಿದ್ದಾರೆ.