ಹಾಂಕಾಂಗ್‌ ಪ್ರತಿಭಟನೆ ತಾರಕಕ್ಕೆ

ಬೀಜಿಂಗ್‌: ಚೀನದ ಆಡಳಿತದಿಂದ ಮುಕ್ತವಾಗಿ ಹಾಂಕಾಂಗ್‌ ಸ್ವತಂತ್ರಗೊಳ್ಳ ಬೇಕೆಂದು ಆಗ್ರಹಿಸಿ ಸೋಮವಾರದಿಂದ ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ನಡೆಯುತ್ತಿರುವ ಪ್ರತಿಭಟನೆ ಮಂಗಳವಾರವೂ ಮುಂದುವರಿದಿದೆ.

ಪ್ರತಿಭಟನೆಯಿಂದ ಸೋಮವಾರ ಮಧ್ಯಾಹ್ನ, ನಿಲ್ದಾಣದ ಎಲ್ಲಾ ಚೆಕ್‌-ಇನ್‌ ಸೇವೆ ಗಳನ್ನು ಹಾಗೂ ನಿಲ್ದಾಣದಿಂದ ತೆರಳ ಬೇಕಿದ್ದ ಎಲ್ಲಾ ವಿಮಾನಗಳ ಹಾರಾಟವನ್ನು ರದ್ದುಗೊಳಿಸಿದ್ದ ಅಲ್ಲಿನ ಆಡಳಿತ ಮಂಡಳಿ, ಮಂಗಳವಾರವೂ ಇದೇ ಸ್ಥಿತಿಯನ್ನು ಕಾಯ್ದು ಕೊಂಡಿತು. ಹಾಂಕಾಂಗ್‌ ಮೇಯರ್‌ ಕ್ಯಾರಿ ಲಾಮ್‌ ನೀಡಿದ ಎಚ್ಚರಿಕೆ ಫ‌ಲ ನೀಡಿಲ್ಲ.

ಭಾರತದ ಸಲಹೆ
ಹಾಂಕಾಂಗ್‌ಗೆ ತೆರಳಲಿರುವ ಅಥವಾ ಆ ನಗರದ ಮೂಲಕ ಬೇರೆಡೆಗೆ ತೆರಳ ಬಯಸುವ ಭಾರತೀಯ ಪ್ರಯಾಣಿಕರಿಗೆ ಮುನ್ನೆಚ್ಚರಿಕಾ ಸಲಹೆ ನೀಡಿರುವ ಭಾರತ ಸರಕಾರ, ಅಲ್ಲಿನ ಪರಿಸ್ಥಿತಿಯನ್ನು ವಿವರಿಸಿದ್ದು, ಹಾಂಕಾಂಗ್‌ಗೆ ತೆರಳಬೇಕಿರುವ ಪ್ರಯಾಣಿಕರು ತಮ್ಮ ವಿಮಾನ ಸೇವಾ ಸಂಸ್ಥೆಯನ್ನು ಸಂಪರ್ಕಿಸಿ, ಬದಲಿ ಮಾರ್ಗದ ವ್ಯವಸ್ಥೆ ಮಾಡಿಕೊಳ್ಳಬೇಕೆಂದು ಹೇಳಿದೆ.