ಪೋಲರಾಯ್ಡ್‌ ಕ್ಯಾಮೆರಾ: ಓಬಿರಾಯನ ಕಾಲದ್ದು!

ಸ್ಮಾರ್ಟ್‌ಫೋನುಗಳು, ಡಿಜಿಟಲ್‌ ಕ್ಯಾಮೆರಾ ಕಾಣಿಸಿಕೊಳ್ಳುವ ಮೊದಲು ಜನ, ಫೋಟೊಗಳನ್ನು ಆಲ್ಬಂಗಳಲ್ಲಿ ನೋಡಿ ಸಂಭ್ರಮಿಸುತ್ತಿದ್ದರು. ಆ ಕಾಲದಲ್ಲಿ ಪೋಲರಾಯ್ಡ್‌ ಕ್ಯಾಮೆರಾ ಜನಪ್ರಿಯವಾಗಿತ್ತು. ಆಗ ಜನರ ಕೈಗಳಲ್ಲಿ ಇದ್ದಿದ್ದು  ಕೋಡಾಕ್‌, ಕೋನಿಕಾ ಪಾಕೆಟ್‌ ಕ್ಯಾಮೆರಾಗಳು. ಫೋಟೊ ಕ್ಲಿಕ್ಕಿಸಿದ ನಂತರ, ನೆಗೆಟಿವ್‌  ರೀಲನ್ನು ಸ್ಟುಡಿಯೋಗಳಿಗೆ ಒಯ್ಯಬೇಕಾಗಿತ್ತು. ಅಲ್ಲಿ ನಿಗದಿತ ಶುಲ್ಕಕ್ಕೆ ರೀಲನ್ನು ಸಂಸ್ಕರಿಸಿ, ಫೋಟೊ ಪ್ರಿಂಟ್‌ ತೆಗೆದುಕೊಡುತ್ತಿದ್ದರು. ಆಗ ಬಂದಿದ್ದೇ  ಪೋಲರಾಯ್ಡ್‌ ಕ್ಯಾಮೆರಾಗಳು.

ಅದರಲ್ಲಿ, ಫೋಟೊ ಕ್ಲಿಕ್ಕಿಸಿದ ಕೆಲ ಸೆಕೆಂಡುಗಳಲ್ಲೇ ಪ್ರಿಂಟ್‌ ಹೊರಬರುತ್ತಿತ್ತು. ಅದರೊಳಗೆ ಫಿಲಂಗಳ ಪ್ಯಾಕ್‌ ಇರುತ್ತದೆ. ಅದರಲ್ಲಿ ಲೈಟ್‌ ಸೆನ್ಸಿಟಿವ್‌ ಕಾರ್ಡ್‌ಗಳಿರುತ್ತವೆ. ಫೋಟೊ  ಪ್ರಿಂಟ್‌  ಆಗುವುದು ಈ ಸೆನ್ಸಿಟಿವ್‌ ಕಾಗದದ ಮೇಲೆಯೇ. ಫಿಲಂ ಪ್ಯಾಕ್‌ ಅನ್ನು ಕ್ಯಾಮೆರಾದ ಕೆಳಭಾಗದಲ್ಲಿರುವ ಕ್ಯಾಪ್‌ ತೆರೆದು ಒಳಗೆ ಲೋಡ್‌ ಮಾಡಬೇಕು. ಫಿಲಂ ಖಾಲಿಯಾಗುವವರೆಗೆ ಫೋಟೊ ಕ್ಲಿಕ್ಕಿಸಬಹುದು. ಖಾಲಿಯಾದ ನಂತರ ಹೊಸ ಪ್ಯಾಕ್‌ ಲೋಡ್‌ ಮಾಡಬೇಕಿರುತ್ತಿತ್ತು.