ಭೂತಾನ್ ನಲ್ಲಿ “ರೂಪೇ ಕಾರ್ಡ್” ಬಿಡುಗಡೆಗೊಳಿಸಿದ ಪ್ರಧಾನಿ ಮೋದಿ, ಥಿಂಪು ಮೇಜರ್ ಪಾರ್ಟನರ್

ಥಿಂಪು(ಭೂತಾನ್):ಭೂತಾನ್ ನಲ್ಲಿ ವ್ಯವಹಾರಕ್ಕೆ ಅನುಕೂಲವಾಗುವ ನಿಟ್ಟಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಶನಿವಾರ ರೂಪೇ ಕಾರ್ಡ್ ಅನ್ನು ಪರಿಚಯಿಸಿದರು. ಪ್ರಧಾನಿ ಮೋದಿ ಇಂದಿನಿಂದ ಎರಡು ದಿನಗಳ ಕಾಲ ಭೂತಾನ್ ಪ್ರವಾಸ ಕೈಗೊಂಡಿದ್ದಾರೆ.

ರೂಪೇ ಕಾರ್ಡ್ ಅನ್ನು ಭೂತಾನ್ ನಲ್ಲಿ ಲಾಂಚ್ ಮಾಡಿದ್ದಕ್ಕೆ ನನಗೆ ತುಂಬಾ ಸಂತಸವಾಗಿದೆ. ಭೂತಾನ್ ಅಭಿವೃದ್ಧಿಗೆ ನಾವು (ಭಾರತ) ಪ್ರಮುಖ ಮಿತ್ರ ರಾಷ್ಟ್ರವಾಗಿದೆ. ಭೂತಾನ್ ಅಭಿವೃದ್ಧಿಗೆ ಐದು ವರ್ಷಗಳ ಕಾಲದ ಸಹಕಾರ ಮುಂದುವರಿಯಲಿದೆ ಎಂದು ಪ್ರಧಾನಿ ಮೋದಿ ಈ ಸಂದರ್ಭದಲ್ಲಿ ಹೇಳಿದರು.

ಭೂತಾನ್ ನಮಗೆ ಮಿತ್ರ ದೇಶವಾಗಬೇಕಾಗಿಲ್ಲ, ನಮಗೆ ನೆರೆಯ ದೇಶದಂತೆ ಇರಬೇಕು. ಭೂತಾನ್ ಅಭಿವೃದ್ಧಿಯಲ್ಲಿ ಭಾರತ ಭಾಗವಾಗಿರುವುದು ನಮಗೆ ದೊರೆತ ಗೌರವವಾಗಿದೆ ಎಂದರು.