ಮೋದಿ ಭೇಟಿ ಹಿನ್ನೆಲೆ ರಜೆ

ಕಠ್ಮಂಡು: ಪ್ರಧಾನಿ ಮೋದಿ ಮೇ 11ರಂದು ನೇಪಾಲದ ಜನಕ್‌ ಪುರಕ್ಕೆ ಭೇಟಿ ನೀಡಲಿರುವುದರಿಂದ ಅಂದು ಜನಕ್‌ ಪುರದ ಪ್ರಾಂತ್ಯವೊಂದಕ್ಕೆ ಸಾರ್ವಜನಿಕ ರಜೆ ಘೋಷಿಸಲಾಗಿದೆ. ಜನಕ್‌ ಪುರದ ಜಾನಕಿ ದೇಗುಲಕ್ಕೆ ಮೋದಿ ಭೇಟಿ ನೀಡಲಿದ್ದು, ಈ ದೇಗುಲವಿರುವ ಪ್ರಾಂತ್ಯ ನಂಬರ್‌ 2ಗೆ ರಜೆ ಘೋಷಿಸಲಾಗಿದೆ. ಈ ಪ್ರಾಂತ್ಯದ ಸುಮಾರು 50 ಸಾವಿರ ಜನರು ಬರ್ಹಾಬಿಘಾ ಮೈದಾನದಲ್ಲಿ ನಡೆಯಲಿರುವ ಪ್ರಧಾನಿ ಮೋದಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಭಾರತದ ಗಡಿಗೆ ಹೊಂದಿಕೊಂಡಿರುವ ಈ ಪ್ರಾಂತ್ಯ ನೇಪಾಲದ ಎರಡನೇ ಅತಿಹೆಚ್ಚು ಜನಸಂಖ್ಯೆ ಇರುವ ಪ್ರಾಂತ್ಯವಾಗಿದೆ.